जङ्गली जनावर सिकार गर्ने राखिएको बमगोला विस्फोट हुदाँ गाई घाइते ।।

माधव बेल्वासे
कपिलवस्तु (चन्द्रौटा) पुष ११
जङ्गली जनावर सिकारीको लागी राखीएको बमगोला विस्फोट हुदाँ गाई घाईते भएको छ । कपिलवस्तुको शिवराज न.पा.३, भितरिया गाउँ देखि उत्तरतर्फ जङ्गलमा चर्ना गएको बेला गाई घाइते भएको स्थानियले जनाएका छन ।  घाइते गाई दिउसो जङ्गल चर्ना गएको बेला मिसाइल तथा बरान प्रयोग गरिएर बनाइएको बम गोला गाईले खाने क्रममा विस्फोट हुदाँ घाइते भएको हो । कपिलवस्तुमा पछिल्लो समयमा जङ्गलमा बँदेल, हरिण लगायत अन्य जङ्गली जनावरहरूको चोरी सिकारी गर्ने सक्रिय भएका छन ।
स्थानिय संकर भण्डारीको गाई घाइते भएपछि स्थानियहरुले सिकार गर्नेहरुलाई कारवार्ही गर्न माग माग गरेका छन । जंगलको नजिकै रहेको भितिरिया गाँउका स्थानियहरु अहिले त्रासमा रहेका छन ।
गाई बेलुका करिब ६ बजेतिर घाइते अवस्थामा घर आएको शंकर भण्डारीले बताए । अहिले गाई मात्रै घाइते भयो भोली स्थानिय नागरिकले नै अकालमै ज्यान जान सक्ने सम्भावन रहेको भण्डारीले जनाए । जङ्गल घाँस, दाउरा र गोठाला गर्न गएको बेला जोखिम वढेपछी स्थानियहरु त्रासित भएका हुन । जंगलि जनावर चोरी सिकारी गर्नेलाई समयमै पत्ता लागाई कारवाही गरिनुपर्ने स्थानियहरुको माग रहेको छ ।