दाङका दर्शकलाई ज्योति मगरको उही मुलाको सिन्की उही मुलाको चाना
सारांश
- शव्द/तस्वीर : आरके शितल दाङ, १६ माघ ।
- नारायणपुरमा जारी महोत्सवमा मंगलवार ज्योति मगरको धमाकेदार प्रस्तुति रह्यो ।
- दाङका दर्शकहरुलाई उनले “उही मुलाको सिन्की र उही मुलाको चाना” दिइन् ।
शव्द/तस्वीर : आरके शितल
दाङ, १६ माघ । नारायणपुरमा जारी महोत्सवमा मंगलवार ज्योति मगरको धमाकेदार प्रस्तुति रह्यो । दाङका दर्शकहरुलाई उनले “उही मुलाको सिन्की र उही मुलाको चाना” दिइन् ।
मंगलवार गायीका ज्योति मगरको प्रस्तुतिले दर्शकहरुलाई भरपुर मनोरञ्जन दिएकी थिईन् । ज्योतिको धमाकाले दर्शकहरुलाई झुमाएको थियो । दिउसो करिब ३ बजे स्टेच चढेकी ज्योतिले ५ बजेदेखि साढे ६ बजेसम्म प्रस्तुति राखेकी थिइन् । वान पिस कालो कपडामा रहेकी ज्योतिले आफ्ना चर्चित गीतहरु प्रस्तुत गरेकी थिइन् । ज्योतिले ‘उही मुलाको सिन्की उही मुलाको चाना, चानचुने त कहाँ हो र जिम्मल बाउकी छोरी, सुर्खेत बुलबुले ताल नाचौला मादलु तालैमा, नयनमा गाजल कालै राम्रो, बबाल छ’ लगायत बोलका गीतहरु प्रस्तुत गरेकी थिइन् ।
मंगलवार लोकदोहोरी गायक एवं मोडल सन्दिप न्यौपानेले पनि दर्शकहरुलाई खुबै नचाए । उनले पनि आफ्ना लोकप्रिय गीतहरुमार्फत दर्शकहरुलाई नचाएका थिए । यस्तै गायक एवं संगीतकार यादव योगी,
गायक सरद समीप, टोपेन्द्र विष्ट, हाँस्यकलाकार राजु विक लगायतले आफ्नो प्रस्तुति दिएका थिए । कार्यक्रमको सहजीकरण लोकदोहोरी गायिका एवं मोडल रुपा घर्तीमगरले गरेकी थिइन् ।
प्रतिक्रिया