बाजुरा, बर्दिया, मोरङ को ताजा पारीणाम

प्रदेश नम्बर १ को एक मात्र महानगरपालिका विराटनगरमा मतगणना निकै सुस्त भएको छ । बुधबार बेलुका ४ बजेर २५ मिनेटदेखि मतगणना सुरु  भएको यो महानगरपालिकमा अहिलेसम्म जम्मा ३५० मत मात्रै गनिएको छ ।

८० हजार ७ सय ४४ मत गन्न बाँकी नै छ । १२ घण्टामा मात्रै तीन सय ५० मत गनिएकाले यहि गति कायम रहने हो भने दिन रात गरेर मत गने पनि विराटनगरको मत परिणाम आउन ११५ दिन लाग्ने देखिएको छ । निर्वाचन आयोगले हप्ता दिनभित्र मतपरिणाम सार्वजनिक गर्ने गरी तयारी भएको बताएको छ । तर विराटनगरको सुस्त गतिले त्यहाँको नजिता आउन तीन महिना भन्दा बढी लाग्ने देखिएको हो ।

पहिलो चरणको चुनावमा मत परिणाम आउन निकै ढिला भएको र दोस्रो चरणमा त्यसो नहुने बताए पनि निर्वाचन आयोगले त्यहि अनुसारको व्यवस्थापन गर्न सकेको छैन । मत गन्ने कर्मचारी कम र एक भोट गन्न नै धेरै बेर लाग्ने हुँदा यसपालिमा पनि गणना सुस्त भएको छ ।

विराटनगर महानगरपालिकामा अहिले कर्मचारीहरुले टी ब्रेक लिएका छन् । अबको एक डेढ घण्टा पछि मत गणना थालिने निर्वाचन अधिकृतले बताएका छन् ।