६० बर्षदेखि म्याद थपेको थप्यै, पूरा भएन कान्ति लोकपथ

काठमाडौं, १८ साउन । कान्ति लोकपथ यस वर्ष पनि सम्पन्न हुन सकेन । तोकिएको समयमा काम नसकिएपछि कान्ति लोकपथ निर्माण योजनाको म्याद थप्न माग गरिएको छ ।

१ वर्ष म्याद थप्न सडक विभागसँग प्रस्ताव पठाएको उक्त योजनाका इन्जिनियर नरेन्द्र भट्टले जानकारी दिए । “लगभग सम्पूर्ण काम अन्तिम अबस्थामा पु¥याइएको छ । केही काम बाँकी रहेकोले म्याद थप्नुपरेको हो”, इन्जिनियर भट्टको दावी छ । दुई हप्ताभित्र १ वर्षकै म्याद थपिने बताउँदै उनले अघिल्लो आर्थिक वर्षभित्र नै काम सकी काठमाडौं–मकवानपुर (हेटौडा)मा सवारी गुडाउने लक्ष्य भए पनि पूरा नभएको स्वीकार गरे ।

छोटो दूरी भएकाले कम समयमै आउन जान सकिने हुँदा सरकारले यसलाई बैकल्पिक मार्गको रुपमा विशेष प्राथमिकतामा दिँदै आएको छ । आजको नेपाल समाचारपत्रले यो समाचार छापेको छ । विस २०१३ सालमा ट्रयाक खोलिएको यस मार्गमा २०७१÷७२ देखि बहुबर्षीय ठेक्का लगाइएको थियो ।