अघिल्लो दिन छोराको मृत्यु, पीडा लुकाएर मैदानमा
सारांश
- अला अहमदका छोराको बिहीबार निधन भयो ।
- तर नाफ्ट मेसनका गोलरक्षक अहमदले यो कुरा न टिमका साथी खेलाडीलाई भने न त प्रशिक्षकलाई नै ।
- उनी इराकी प्रिमियर लिग अन्तर्गत शुक्रबारको खेल पनि खेले ।
अला अहमदका छोराको बिहीबार निधन भयो । तर नाफ्ट मेसनका गोलरक्षक अहमदले यो कुरा न टिमका साथी खेलाडीलाई भने न त प्रशिक्षकलाई नै ।
उनी इराकी प्रिमियर लिग अन्तर्गत शुक्रबारको खेल पनि खेले । अल–शोर्टासँगको खेलमा नाफ्ट मेसन बराबरीमा रोकियो । खेल अवधिभर आफ्नो पीडा भुलेर खेलेका अहमदले अन्तिममा आफूलाई थाम्न सकेनन् ।
उनी आँसुमा डुबे, त्यसपछि थाहा पाए टिमका खेलाडी र प्रशिक्षकले थाहा पाए उनका छोराको अघिल्लो दिन मात्रै निधन भएको थियो । उनीहरुले अहमदलाई सान्त्वना दिए । सम्झाए ।
गएको नोभेम्बरमा अमेरिक फुटबलर माकिइस गुडविनले आफ्नो नवजात सन्तानको निधन भएको केही घण्टामै खेल्दै गोल गरेका थिए । अहमदले पनि आफ्नो दुःखलाई भुल्ने माध्यम बनाए खेल । थामिएर खेले । तर अन्तिममा आँसु बनेर बगे ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया