अणुबमले पनि मार्न नसकेको रुख बालुवाटारमा !

काठमाडाै, ३ जेठ । प्रधानमन्त्री निवास बालुवाटारमा निर्माण गरिएको नयाँपार्कमा केपी शर्मा ओली र पुष्पकमल दाहाल ‘प्रचण्ड’ ले विरुवा रोपेका छन्।

ओली र प्रचण्डले रोपेको विरुवाको नाम हो– जिन्को। प्रत्येक ६ महिनामा पातको रंग फेरिने यो विरुवा जापानी प्रजातिको हो। र, दोस्रो विश्वयुद्धमा अमेरिकाले जापानमा अणुबम खसाल्दासमेत मरेको थिएन।

संयोगबस आजै एमाले र माओवादी केन्द्रबीच एकता हुँदैछ। र, दुई पार्टीबीच एकता भएर नयाँ पार्टीको रुपमा नेपाल कम्युनिष्ट पार्टी (नेकपा) गठन हुनुअघि नेताद्वयले अणुबमले पनि मार्न नसकेको रुख रोपेका छन्।

बृक्षारोपण कार्यक्रममा ओली–प्रचण्डका अलावा पूर्वप्रधानमन्त्रीद्वय माधव नेपाल र झलनाथ खनाल, मन्त्रीहरु र एमाले–माओवादी केन्द्रका नेताहरु पनि सहभागी थिए र उनीहरुले पनि बृक्षारोपण गरेका थिए।