अधिकारीको स्वास्थ्यमा सुधार हुँदै

काठमाडौं । नेपाल कम्युनिष्ट पार्टी (नेकपा)का नेता एवं पूर्वउपप्रधानमन्त्री भरतमोहन अधिकारीको स्वास्थ्यमा क्रमिक रुपमा सुधार हुँदै गइरहेको अस्पतालले जनाएको छ ।

श्वासप्रश्वासलगायत समस्या देखिएपछि अधिकारी चार दिनदेखि सुकेधारास्थित ह्याम्स अस्पतालमा उपचाररत रहेका अधिकारीको माघ २ गते स्वास्थ्यमा समस्या आएपछि मेडिसिटी अस्पताल भर्ना गरिएको थियो । त्यसपछि उपचारमा सुधार नभएपछि माघ २५ गते ह्याम्स अस्पताल भर्ना गरिएको थियो । ८२ वर्षीय अधिकारीको मुटु र फोक्सोमा समस्या देखिएको चिकित्सकले बताएका छन् ।

उपचारमा संलग्न डा भगवान कोइरालाका अनुसार अधिकारीको स्वास्थ्य सामान्य सुधारोन्मुख रहेको छ । बाहिर हल्ला आएजस्तो उपचारमा कुनै लापर्वाही नभएको बरु उपत्यकाका विशिष्ट चिकित्सकसँग परामर्श गरेर थप उपचारका लागि पुनः अस्पताल भर्ना गरिएको उनकी धर्मपत्नीले बताएकी छन् ।

(prodavinci.com)