अबको २० दिनभित्र नयाँ सरकार बन्ने ओलीको घोषणा, कांग्रेसले २५ सिट नकटाउने दाबी (भिडियोसहित)
सारांश
- नेकपा एमालेका अध्यक्ष केपी शर्मा ओलीले वाम गठबन्धनले २० दिन भित्र नयाँ सरकार बनाउने दाबी गरेका छन् ।
- माउन्टेन टेलिभिजको विशेष प्रस्तुतिमा पत्रकार ऋषि धमलासँग कुरा गर्दै अध्यक्ष ओलीले जनताका आकांक्षा पूरा गर्नका लागि वाम गठबन्धन प्रतिवद्ध रहेको बताउँदै चुनावी नतिजालगत्तै सरकार गठन गर्ने बताए ।
- को प्रधानमन्त्री बन्ने भन्ने विषयमा चुनावपछि छलफल गरेर निर्णय गरिने ओलीको भनाई छ ।
नेकपा एमालेका अध्यक्ष केपी शर्मा ओलीले वाम गठबन्धनले २० दिन भित्र नयाँ सरकार बनाउने दाबी गरेका छन् । माउन्टेन टेलिभिजको विशेष प्रस्तुतिमा पत्रकार ऋषि धमलासँग कुरा गर्दै अध्यक्ष ओलीले जनताका आकांक्षा पूरा गर्नका लागि वाम गठबन्धन प्रतिवद्ध रहेको बताउँदै चुनावी नतिजालगत्तै सरकार गठन गर्ने बताए ।
को प्रधानमन्त्री बन्ने भन्ने विषयमा चुनावपछि छलफल गरेर निर्णय गरिने ओलीको भनाई छ । प्रधानमन्त्री को बन्ने भन्ने विषयमा माओवादी अध्यक्ष प्रचण्डसँग कुनै सहमति नभएको ओलीले बताए ।
वाम गठबन्धन पूर्ण लोकतान्त्रिक भएको दाबीसमेत ओलीले गरे । “यो गठबन्धन लोकतान्त्रिक, राष्ट्रिय एकताको लागि हो ।”
कम्युनिष्ट गठबन्धन भनिए पनि आफूहरुले चुनावी तालमेल मात्रै गरेको ओलीले बताए । एमाले र माओवादी मात्र नभै राप्रपा लगायतका अन्य दलसँग पनि विभिन्न स्थानमा तालमेल गरिएकाले यसलाई कम्युनिष्ट गठबन्धन भन्न नमिल्ने तर्क ओलीले गरे ।
रिपोर्तेर्स नेपाल बाट
प्रतिक्रिया