लकडाउनको तेस्रो दिनः धुम्बाराहीस्थित तरकारी बजारमा बढ्यो आयात
सारांश
- काठमाडौँको धुम्बाराहीस्थित तरकारी बजारमा लकडाउनको तेस्रो दिन अघिल्लो दिनको तुलनामा चहलपहलमा निकै बृद्धि भएको छ ।
- लकडाउनको पहिलो र दोस्रो दिन सुनसानप्राय बनेको बजारमा आजदेखि चहलपहल देखिएको छ ।
- त्यस्तै तरकारी तथा फलफूल आयातमा बृद्धि समेत भएको व्यापारीले बताए ।
काठमाडौँको धुम्बाराहीस्थित तरकारी बजारमा लकडाउनको तेस्रो दिन अघिल्लो दिनको तुलनामा चहलपहलमा निकै बृद्धि भएको छ । लकडाउनको पहिलो र दोस्रो दिन सुनसानप्राय बनेको बजारमा आजदेखि चहलपहल देखिएको छ । त्यस्तै तरकारी तथा फलफूल आयातमा बृद्धि समेत भएको व्यापारीले बताए ।
तरकारी खरिद गर्नका लागि राजधानीका खुद्रा तरकारी व्यापारी बिहानै उक्त बजारमा पुगेका थिए । तरकारीको आयात प्रयाप्त भएपनि पसलसम्म पुर्याउन भने सवारी साधन नभएका कारण कठिनाई भएको जयबागेश्वरीमा तरकारी पसल सञ्चालन गरिरहेकी सन्तमाया थापाले गुनासो गरिन् ।
तरकारी आयात सहज भएपनि मूल्य भने निकै बढेको धुम्वाराहीका व्यापारी धनेन्द्र गौतमले बताए । गोलभेडा, कागती, काउली लगायतका तरकारीको मूल्य दुई दिन अघिभन्दा ४० देखि ६० प्रतिशतले बृद्धि भएको गौतमको भनाई छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया