कतारमा हुने मिस विश्वकर्मामा ८ सुन्दरी छानिए…

काठमाडौं । विश्वकर्मा समुदायका युवतीहरुको प्रतिभा प्रष्फुटन गर्ने उद्देश्यले आयोजना गर्न लागिएको ‘मिस विश्वकर्मा इन्टरनेशनल’को फाइनलका लागि ८ सुन्दरी छानिएका छन् । गएको बिहिबार राजधानीमा भएको सेमिफाइनलमा जम्मा १७ प्रतियोगीतबाट ८ जना प्रतियोगी छानिएका हुन् । फाईनल यहि आउँदो ८ सेप्टेम्बरमा कतारमा हुने आयोजकले जनाएको छ ।

जजहरुबाट सोधिएको प्रश्नमा उत्कृष्ट उत्तर दिनेहरुमध्येबाट जम्मा ८ प्रतियोगी छानिएका हुन् । छानिनेमा निलम गज्मेर, सुजता खाती, सोनु विश्वकर्मा, सुशिला लाम्घारे, पुष्पा राम्धाम, रुस्मा पर्टेल, मनिषा गज्मेर र सिर्जना विश्वकर्मा रहेका छन् । जजहरुमा मिस नेपाल २००५ कि सुगारीका केसी, संगीतकार राम सिटौला, नायिका, सुभेक्छा थापा, मोडल, दिवस उप्रेती, अन्तर्राष्ट्रिय मोडल, दिपक घिमिरे, मिडियाकर्मी, सिरोमणी दवाडी र कृष्ण भट्टराई रहेका थिए ।

आयोजक संस्था मोनाली इन्टरटेन्मेन्टकाका अध्यक्ष दिपक बराइलीले दिएको जानाकारी अनुसार नेपालबाट ६ सेप्टेम्बरमा आयोजक तथा प्रतियोगीत टिम गरी जम्मा ३० जनाको टिम कतार प्रस्थान गर्नेछ । साथै कतारको सनैयामा हुने गइरहेको यो प्रतियोगीता भव्य र सव्य तरिकाले सम्पन्न हुने बराइलीले जानकारी दिए ।

आयोजकको तर्फबाट सुरु सुनारले पनि अन्तर्राष्ट्रिय स्तरमै पहिलो पटक हुन गइरहेको यो प्रतियोगीता भव्य र सव्य हुने बताइन् । साथै उनले विश्वकर्मा समुदायका युवतीहरुमा भएका प्रतिभा नेपाल मात्र नभएर नेपाल बाहिरसम्म पुर्याउने आफूहरुको लक्ष्य रहेको बताइन् । कार्यक्रमको उद्घाटन नेपाल सरकारका वाणिज्यमन्त्री मीन बहादुर विश्वकर्माले गरेका थिए ।

प्रतियोगीताको पहिलो अडिशन मोरङको पथरी शनिश्चरे, र अन्य अडिशन काठमाडौंमा भएको थियो । साथै काठमाडौंमा गएको साता ट्यालेन्ट राउण्डपनि सम्पन्न भइसकेको छ ।

मिस विश्वकर्मा इन्टरनेशनलको विजेतालाई टिभिएसको स्कुटर प्रदान गरिनुको साथै एअर होस्टेजको प्रशिक्षण निःशुल्क दिइनेछ र सौर्य एअर लायन्समा जागिरको ग्यारेन्टी रहनेछ । साथै, मोनाली इन्टरटेन्मेन्टले निर्माण गर्ने फिल्ममा अवसर दिइने र शिक्षामा ५० प्रतिशत छात्रवृत्तिको व्यवस्था गरिने बताइएको छ । सेकेन्ड रनरलाई ५० हजार र थर्ड रनरलाई ४० हजार नगदसहित अन्य अवसर रहेको आयोजकले जनाएको छ । प्रतियोगितालाई बिजु श्रेष्ठ, बराह ज्वलर्स र आईएमईले मुख्य प्रायोजन गरेको छ ।