अब सपिङ इसेवा पसलमा !

काठमाडौ । अब तपाई हामीले सपिङ कै लागि बजार बजार धाउनु नपर्ने भएको छ ।
इसेवा पसलको औपचारिक रूपमा कारोबार सुरू भएको छ । इसेवाले राजधानीमा एक कार्यक्रमको आयोजना गरि पसल सुरु भएको जानकारी गराएको हो । भाटभटेनी अनलाइन डटकमलाई इसेवा पसल डट कम का रुपमा रि–ब्राण्डिङ गरी एफ वान सफ्ट ईन्टरनेशनलले सुरु गरेको हो।

कार्यक्रममा इसेवा पसल डटकमका सिइओ मनिस श्रेष्ठले अनलाइन सपिङको क्षेत्रमा इसेवा पसल शुरुवात मात्र भएको बताए। प्रविधी मैत्री समाजमा अव इसेवा पसलले ग्राहकले खोजेको सामान सर्व शुलभ मूल्यमा उच्च्तम सेवा प्रदान गर्ने बताए ।

कम्पनीले इसेवा पसलको औपचारिक उद्घाटन गरेको अवसरमा आफ्ना ग्राहकहरूको सुविधालाई मध्यनजर गर्दे विभिन्न किसिमका छुट योजना सार्बजनिक गरेको छ । छुट योजना अनुसार ग्राहकहरूले इसेवा पसलमा सामान किन्दा इसेवा मार्फत रकम भुक्तानी गर्दा ५ प्रतिशत सम्म क्यास ब्याक पाउन सक्नेछन् ।

यस्तै नबिल बैंकको भिसा कार्डमार्फत् अनलाइन रकम भुक्तानी गर्दा २५ प्रतिशत र कार्ड अन डेलिभरी गर्दा १० प्रतिशत क्यासब्याक पाइने छ । कम्पनीले किस्तावन्दीमा सामान किन्न सकिने सुविधाका साथसाथै दशै लाई मध्य नजर गरेर सामान किन्दा लक्की ड्र मार्फत आफ्ना ग्राहक लाई विभिन्न किसिम का ग्राहक उपहार योजना ल्याउने पनि जनाएको छ ।

सेवा पसलले सामान अर्डर गरेको २४ घण्टा भित्र निशुल्क सामान डेलिभरी गर्ने समेत जनाएको छ । इसेवा पसलमा इसेवा लगायत नेपालका अधिकांश बैंकका मोबाईल बैंकिङ, ईबैंकिङ र कार्डमार्फत् भुक्तानी गर्न सकिने व्यवस्था मिलाइएको छ ।