अमिताभमाथि १५ वर्षे प्रतिबन्ध !

एजेन्सी, १४ वैशाख ।   अमिताभ बच्चनलाई आजपनि बलिउडमा राजा नै मानिन्छ । मिडिया पनि ज्यान फालेर उनीमाथि दृष्टि राखिरहेकै हुन्छन् । तर, कुनैै समय यस्तो पनि थियो अमिताभको, तिनै मिडियाले करिब १५ वर्षका लागि ‘ब्याण्ड’ लगाएका थिए ।

यो त्यो समय भएको थियो जतिबेला भारतमा ‘इमर्जेन्सी’ लगाइएको थियो । बच्चनले केही वर्ष पहिले आफ्नो ब्लगमा यो कुरा लेखेका थिए ।

राजीव गान्धीको सबैभन्दा नजिकको साथीको रुपमा अमिताभ बच्चन पनि थिए । इमर्जेन्सी भनेर फिल्म र फिल्मी जगतका धेरै म्यागेजिनबाट ब्याण्ड लागेपछि बच्चनले यसको परिणाम निकै नराम्रोसँग भोग्नु परेको थियो । जब फिल्मी म्यागेजिनमा पनि ब्यान्ड लगाइयो, तब सारा फिल्मी दुनिया उनीमाथि खनिएको थियो । जसको नतिजा, मिडियाको तर्फबाट अमिताभलाई एकतर्फी रुपमा अघोषित ब्याण्ड लगाइएको थियो ।

त्यो समयमा फिल्मी खबर थाहा पाउन कुनै पनि माध्यम थिएन । पत्रिकासँगै सोसल मिडिया र इन्टरनेटबाट यस्तो खबर थाहा पाउन सकिँदैनथ्यो । जसको विकल्प भनेको म्यागेजिन मात्रै थियो । म्यागेजिनका सम्पादकलाई लाग्यो कि, अमिताभ बच्चन गान्धी परिवारसँग नजिक थिए र यो काम उनकै सल्लाहमा भयो ।

जब इन्दिरा गान्धी सन् १९७७ मा चुनाव हारिन्, त्यतिबेला सिनेब्लिट्ज र स्टारडस्ट जस्ता ठूला म्यागेजिनका सम्पादकले एक मिटिङ गरे र अमिताभ बच्चनको खबर र फोटो नछाप्ने निर्णय गरे । यो निर्णय भएको केही दिनसम्म पनि बच्चनलाई थाहा थिएन ।

केही दिनपछि जब बच्चनलाई मिडियाले ‘ ब्याण्ड’ गरेको कुरा थाहा भयो, उनी निकै रिसाए । र, त्यसको बदला लिने फैसला गरे । उनले कुनैपनि म्यागेजिनलाई अन्तर्वार्ता नदिने र फोटोपनि खिच्न नदिने भए ।

भावना सोमायाले अफ्नो किताब ‘अमिताभ बच्चनः दि लिजेन्ड’ मा यसको खास कारण बताएका छन् । तर, दिलीप कुमारले स्टारडस्ट म्यागेजिनको शो बहिस्कार गरेका थिए । यो कुरामा अमिताध बच्चनले पनि समर्थन गरेका थिए । पछि जब यो बहिस्कारमा यी दुई अभिनेताबारे थाहा पाए, मिडियाले यी दुवैलाई ब्याण्ड गरेका थिए ।

उनलाई यतिसम्म गरिएको थियो कि, कुनै सार्वजनिक कार्यक्रमको फोटोमा उनी देखिए भने कि त त्यो फोटो प्रयोग नै हुँदैनथ्यो कि त उनलाई हटाएर मात्रै फोटो राखिन्थ्यो । उनको फोटो क्रप गर्न सजिलो होस् भनेर त्यस्तो बेला उनी छेउमा बस्थे । यस्तो ब्याण्ड बच्चनलाई मिडियाले १० देखि १५ वर्ष सम्म लगाएका थिए ।

सन् १९८२ मा ‘कुल्ली’ फिल्मको शुटिङमा जब उनी घाइते भए तब सारा देशका जनताले उनका लागि मन्दिर र मस्जिदमा उनको स्वास्थ्य लाभको लागि प्रार्थना गरे । म्यागेजिनका मालिक पनि उनको यो हाल देखेर पग्लिए । स्टारडस्टका मालिक नारी हिराले बच्चनको स्वास्थ्यको बारेमा जानकारी लिए । यसपछि नै स्टारडस्टले ब्यान्ड हटाउँदै उनकै नाममा एक स्पेशल एडिशन पनि निकाल्यो ।

जब उनी पूर्ण रुपमा निको भए स्टारडस्टका मालिक नारी हीरासँग भेट्न गए । अमिताभले उनलाई ‘मसँग त तपाईं रिसाउनु भएको थियो । फेरि मेरो बारेमा किन आर्टिकल लेखेको ?’ भनेर सोधेका थिए ।

यसको उत्तरमा नारी हिराले ‘हामी तपाईं फेल हुनुहोस् भन्ने त चाहान्थ्यौं तर मर्नु भन्ने चाहँदैनथ्यौं’ भनेका थिए ।

यसले दुईबीचको मनमुटाव त सकियो तर मिडियाको ब्याण्ड भने चलिरहेको थियो ।

अहिले पनि मिडियाले अमिताभ र अमिताभले मिडियालाई ब्याण्ड गरिरहेकै छन् । यही बीचमा सन् १९८९ मा बच्चनको नाम बोफोर्स घोटालाको कारणले एक पटक पुनः चर्चामा ल्यायो । यस्तै कुराबाट हैरान भएका बच्चनले ‘अजुब’ नामक फिल्मको लागि पत्रकार संम्मेलन गरेका थिए । त्यहाँ उनले सफाई दिए ।

अब आफूले राजनीति छोडिसकेको बताउदै इमर्जेन्सीको समयमा लागू भएको सेन्सरशिपमा आफ्नो कुनै हात नभएको बताएका थिए । यसपछि अमिताभमाथि लगाइएको ब्याण्ड पनि सकिएको थियो ।