अमेरिकामा फेसबुकमा लाइभ भयो वृद्धको हत्याको भिडियो

बीबीसी
बैशाख ४ – अमेरिकाको क्लिवल्याण्ड शहरमा एक वृद्ध नागरिकको हत्याको भिडियो फेसबुकमा लाइभ देखाइएको छ । क्लिवल्याण्ड पुलिसले मृतकको पहिचान ७४ वर्षीय रोबर्ट गुडविनको रुपमा गरेको छ ।
यस हत्यामा संदिग्ध स्टिव स्टिफन्सले अर्को एक भिडियोमा १३ अन्य मानिसको हत्या गर्ने बताएका छन् ।
यद्यपी, पुलिस चिफ केल्विन विलियम्सले अहिलेसम्म एक व्यक्तिको हत्या भएको पुष्टि गरेको छ ।
विलियम्सले पुलिसको थुप्रै समूहले स्टिफन्सको खोजी गरिरहेको बताएका छन् ।
संदिग्ध हत्याराको खोजीका लागि ओहायो प्रान्त र त्योभन्दा अगाडिका स्थानमा अलर्ट जारी गरेको विलियम्सले बताएका छन् ।
पुलिसले संदिग्ध व्यक्तिलाई देख्नेबित्तिकै पुलिसलाई जानकारी दिन र हत्याराको अगाडि नजान निर्देशन दिएका छन् ।
क्लिवल्याण्ड पुलिसले यी संदिग्धको तस्बिर जारी गर्दै उनको क्रिम रङको एसयुभी चलाइरहेको जानकारी दिएका छन् ।
सिएनएन न्यूजका अनुसार एफबीआई क्लिवल्याण्ड पुलिससँग खोजी अभियानमा जुटेको छ ।
क्लिवल्याण्डका मेयर फ्रेन्क ज्याक्सनले स्टिफेन्सलाई उनलाई जसरी पनि पक्राउ गरिने प्रण गरेका छन् ।
यद्यपी, हत्याको भिडियो फेसबुकमा लाइभ गरिएको यो पहिलो घटना भने होइन । पछिल्लो वर्ष जूनमा शिकागोमा एक व्यक्तिले आफूलाई नै स्ट्रिम गरिरहेका थिए जब उनको हत्या गरिएको थियो ।
यस्तै, मार्चमा एक व्यक्तिलाई फेसबुक लाइभमा १६ पटक गोली हानिएको थियो ।