अमेरिकी डलर सामु नेपाली रुपैया अहिले सम्म कै कमजोर

काठमाडौ । नेपाल राष्ट्रबैंकले आजका लागि अमेरिकी मुद्राको बिक्री दर ११० रुपैयाँ ३८ पैसा तोकेको छ । खरिद र भने १०९ रुपैयाँ ७८ पैसा छ । यो अहिलेसम्मकै उच्च खरिद(बिक्री दर हो । खरिद विक्री दर उच्च रहदा नेपाली रुपैया अहिले सम्मकै कमजोर बनेको छ । अमेरिकी डलर भाउ अहिलेसम्मकै उच्च विन्दुमा पुगेको हो । यसअघि डलरको भाउ ११० रुपैयाँ ३८ पैसाको उच्च रेकर्ड थियो ।

केहि महिना यता नेपाली मुद्राको तुलनामा अमेरिकी डलरको भाउ उच्च मात्रामा बढ्दै गएको छ । अमेरिकन मुद्राको तुलनामा भारतीय मुद्राको भाउ घटेपछि यसको सीधा असर नेपाली मुद्रामा पनि परेको हो ।

भारतीय मुद्रासँग कायम भएको स्थिर बिनिमय दरका कारण नेपाली मुद्राको भाउ खस्किदै गएको हो । भारतीय अर्थतन्त्रको तुलनामा अमेरिकी अर्थतन्त्र मजबुत हुँदै गएपछि पछिल्लो समय डलरको भाउ बढ्दै गएको हो । साथै अन्तर्राष्ट्रिय बजारमा कच्चा तेलको मूल्य बढेका कारण पनि अमेरिकी डलरको भाउलाई बढाएको छ ।