आईपीएल : वर्षा प्रभावित ५–५ ओभरमा खेलाइएको खेलमा डिभिलियर्सको छक्काको वर्षात
सारांश
- काठमाडौं ।
- आईपीएलको मंगलबारको खेल वर्षाले प्रभावित भएपछि राजस्थान रोयल्स र रोयल च्यालेन्जर्स बेंगुलरुबीचको खेल ५–५ ओभरमा खेलाइयो ।
- तर, पनि खेल फेरि वर्षा भएपछि नतिजाबिहीन भयो ।
काठमाडौं । आईपीएलको मंगलबारको खेल वर्षाले प्रभावित भएपछि राजस्थान रोयल्स र रोयल च्यालेन्जर्स बेंगुलरुबीचको खेल ५–५ ओभरमा खेलाइयो । तर, पनि खेल फेरि वर्षा भएपछि नतिजाबिहीन भयो । जितको नजिक पुगेको राजस्थान रोयल्सका लागि वर्षा बाधक बन्यो ।
६३ रनको लक्ष्य पाएको राजस्थानले जितका लागि १० बलमा २१ रन आवश्यक थियो । उसको एकमात्र विकेट खसेको थियो । सन्जु सामसन उत्कृष्ट इनिंग खेलेर आउट भएपछि वर्षा फेरि शुरु भयो । उनले १३ बलमा २८ रन बनाएका थिए । फेरि वर्षा भएपछि अम्पाएर खेल नतिजाबिहीन घोषणा गरेपछि दुबै टिमले एक एक अंक पाए ।
खेलमा स्पष्ट जित हात नपारेकाले राजस्थानको प्लेअफ दौड कठिन भएको छ । राजस्थानको १३ खेलबाट ११ अंक भएको छ । अब उसको एक खेल बाँकी छ । उता बेंगलुरु भने प्लेअफबाट बाहिरिसेको छ ।
यसअघि पहिला ब्याटिंग गरेको रोयल च्यालेन्जर्स बेंगलुरुले ७ विकेटमा ६२ रन बनाउँदै राजस्थान रोयल्सलाई ६३ रनको लक्ष्य दिएको छ ।
पहिलो ओभरमै ओपनर एबि डिभिलियर्स र कप्तान विराट कोहलीले २३ रन जोड पनि दोस्रो ओभरमा श्रेयश गोपालले ह्याट्रिक गरेपछि बेंगलुरु ठूलो स्कोर बनाउनबाट रोकियो । गोपालले कोहली, डिभिलियर्स र मार्कोस स्टोइनिसको विकेट लिए । त्यसपछि पनि बेंगलुरुले लगातार विकेट गुमायो ।
रेयान पराग र जयदेव उदनाकटले एक एक विकेट लिए भने अन्तिम ओभर बलिंग गरेका उसेन थोमसले २ विकेट लिए ।
बेंगलुरुका लागि कोहलीले २५ र डिभिलियर्सले १० रन बनाए भने अन्य खेलाडीले दोहोरो अंकमा रन बनाउन सकेनन् । उसका ३ खेलाडी त शून्यमा रहे ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया