आजदेखि ‘छ माया छपक्कै’ प्रदर्शनमा, सबैतिर हाउसफुल

फिल्म ‘छ माया छपक्कै’ शुक्रबार प्रदर्शन भएको छ । फिल्मले बिहानी शो देखि नै आक्रामक सुरुवात गरेको छ । दीपेन्द्र लामाको निर्देशन रहेको फिल्म देशका अधिकांस हलमा हाउसफुलका साथ प्रदर्शन भइरहेको छ । ‘छ माया छपक्कै’मा दीपकराज गिरी, केकी अधिकारी, केदार घिमिरे, जितु नेपाल, सुपुष्पा भट्ट, बुद्धि तामाङलगायतको प्रमुख भूमिका छ ।

राजनीतिक द्वन्द्वको समयमा पलाएको प्रेम र राजनीतिले प्रेममा पार्ने प्रभावको विषयमा बनेको यो फिल्म ‘छक्का पञ्जा’ भन्दा फरक शैलीमा रहेको निर्माण पक्षले जनाएको छ। रोहित अधिकारी निर्माता, केदारप्रसाद घिमिरे र जितु नेपाल कार्यकारी निर्माता रहेको फिल्मको कथा निर्देशक लामाले नै लेखेका हुन्।

दीपकराज गिरीको पटकथा रहेको फिल्ममा दीपकराज गिरी, केदारप्रसाद घिमिरे, जितु नेपाल, अभिमन्यु निरवीले मिलेर संवाद तयार पारेका छन्।