आज मिर्गौला दिवसः नेपालमा कति छन् मृगौलाका बिरामी ?

विभिन्न कार्यक्रम गरि विश्वभर आज विश्व मृगौला दिवस मनाइदै छ । मृगौलालाई बचाउन र यसमा हुन सक्ने संक्रमण, रोग बारे जनचेतना अभिबृद्धि गर्न यो दिवश मनाउने गरिन्छ ।

सन् २००६ देखि मार्च महिनाको दाश्रो बिहिबार हरेक वर्ष यो दिवश बिभिन्न नारामा केन्द्रीत रहेर मनाइदै आएको छ । आज काठमाण्डौमा स्वास्थ्य मन्त्री गगन थापाको अगुवाइमा किड्नी पदयात्रा गरिएको छ । यो वर्ष स्वस्थ्य किड्नीको लागि स्वस्थ्य जीवनयापन भन्ने नारमा मनाइदै छ ।
नेपालमा किड्नी रोगीको एकिन तथ्यांक नभए पनि २५ लाख भन्दा बढी किडनी सम्बन्धी रोग लिएर बाँचेका मानिसहरु भएको अनुमान छ । सुरुवातमा रोगको लक्षण नदेखिने, पहिचानमा समय लाग्ने भएका कारण किड्नीका रोगी बढिरहेको अनुमान गरिएको छ । अनियन्त्रीत जीवनयापन, धुम्रपान, मदिरापानले किड्नीमा तुरुन्त अशर गर्ने चिकित्सकहरु बताउछन् । काठमाण्डौमा भएको पदयात्रामा बोल्दै स्वास्थ्य मन्त्री गगन थापाले किडनी रोगको नियन्त्रणमा नागरिक सचेतता महत्वपूर्ण भएको बताए । नागरिक स्वयंले समय समयमा किड्नीको परिक्षण गर्ने हो भने किडनीमा हुने धेरै खराबीबाट बच्न सकिने बताए ।
सरकारले आगामी बैशाख १ देखि किड्नीको डायलसिस गर्नुपर्ने सबै बिरामीलाई निशुल्क सेवा दिने भएको छ । सरकारले किडनीको प्रत्यारोपणलाई पनि बैशाख १ देखि निशुल्क गर्ने निर्णय गरेको छ । हरेक मानिसको बढ्दो उमेर संगै किड्नीले गर्नुपर्ने कामको क्षमता कम हुदै जान्छ । यस्तो अवस्थामा किड्नीमा हुने संक्रमण हुने दर उच्च हुन्छ । त्यसैले वर्षमा कम्तिमा दुइपटक किड्नीको परिक्षण गर्न सके यसको रोगबाट बच्न सकिने विशेषज्ञहरु बताउँछन् ।