आफ्नो प्रेमीबाट गर्भवती बनेपछि न्युजील्याण्डकी प्रधानमन्त्रीले राखिन् यस्तो रेकर्ड

एजेन्सी, माघ ५ । न्युजील्याण्डकी प्रधानमन्त्री जेसिंडा आर्डेनले आफु गर्भवती रहेको खुलासा गरेकी छिन् । बीबीसी विश्वसेवाले जनाए अनुसार उनी र उनका प्रेमी क्लार्क गेयफोर्डले आगामी जून महिनामा बच्चा जन्माउन गइराखेका छन् र यसकालागि प्रधानमंत्रीले ६ हप्ता विदामा बस्न चाहेको बताएकी छिन् ।

३७ वर्षीय आर्डेन आफ्नो कार्यकालमा बच्चा जन्माउने दोस्रो निर्वाचित विश्वनेता हुनेछिन् । यसअघि बेनजीर भुट्टोले १९९० मा तत्कालीन पाकिस्तानी प्रधानमंत्रीका रूपमा छोरीलाई जन्म दिएकी थिइन् । त्यसबेला उनको उम्र ३० वर्षको थियो ।

आर्डेन गत अक्टोबरमा न्युजील्याण्डकी प्रधानमन्त्री चुनिएकी थिइन् । उनको मध्य-वाम गठबंधनले चुनावमा सफलता प्राप्त गरेपछि उनी १८५६ यता देशकै सबै भन्दा कम उमेरकी प्रधानमंत्री बनेकी थिइन् ।

उनको यस घोषणा पछि उनलाई सामाजिक सञ्जालमा बधाई दिनेहरूको ताँती लागेको छ । इंस्टाग्राममा एउटा सांकेतिक तस्बिर साझा गर्दै आर्डेनले २०१७ आफ्नालागि खुसी नै खुसी लिएर आएको बताएकी छिन् । उनका अनुसार यस वर्ष उनी देशकी प्रधानमंत्री बनिन् यसै वर्ष उनी गर्भवती पनि बनेकी छिन् ।

उनका विपक्षीहरूले भने बच्चा पाएपछि उनलाई प्रधानमंत्रीको रूपमा काम गर्न गाह्रो हुनसक्ने भनिरहेका छन् । तर आर्डेनले भने यस्ता अशंकाहरू निराधार रहेको र आफु दुबै जिम्मेवारी निर्वाह गर्न उत्तिकै सक्षम रहेको जनाएकी छिन् ।

गत सेप्टेम्बरमा भएको आम चुनावमा उनको वाम झुकाव भएको दल लेबर पार्टी चुनावमा दोस्रो भएको थियो । कसैको बहुमत नभएपछि उनले तेस्रो स्थानमा रहेको पार्टीसँग गठबंधन गरेर सरकार निर्माण गरेकी थिइन् ।