इरानी विदेश मन्त्री जवाद जरीफले दिए राजीनामा
सारांश
- बीबीसी।
- इरानका विदेशमन्त्री जवाद जरीफले आफ्नो पदबाट राजीनामा दिएका छन्।
- जरीफले अचानक आफ्नो राजीनामाको घोषणा समाजिक संजाल इन्स्टाग्रामबाट गरेका हुन्।
बीबीसी। इरानका विदेशमन्त्री जवाद जरीफले आफ्नो पदबाट राजीनामा दिएका छन्। जरीफले अचानक आफ्नो राजीनामाको घोषणा समाजिक संजाल इन्स्टाग्रामबाट गरेका हुन्। इरानको सरकारी समाचार एजेन्सीले जरीफको राजीनामाको पुष्टि गरेको छ।
जरीफले सरकारमा आफ्नो कार्यकालका क्रममा भएको गल्तीकालागि माफी पनि मागेका छन्।
जरीफले २०१५ मा अमेरिकासँग परमाणु सम्झौताका क्रममा महत्वपूर्ण भूमिका निर्वाह गरेका थिए। तर पछि अमेरिकी राष्ट्रपति डोनाल्ड ट्रम्पले यो सम्झौतलाई रद्द गरेको घोषणा गरेका थिए।
५९ वर्षीय जरीफ संयुक्त राष्ट्रसंघमा इरानका राजदूत पनि भइसकेका छन्। र, उनी २०१३ मा हसन रुहानी राष्ट्रपति निर्वाचित भएपछि विदेशमन्त्री बनेका थिए।
जरीफले आफ्नो राजीनामामा इरानका जनता र प्रशासनप्रति आभार व्यक्त गरेका छन्। तर उनले आफूले राजीनामा दिन भएको भन्ने विषयमा भने केही पनि उल्लेख गरेका छैनन्।
अमेरिकाले इरानसँग परमाणु सम्झौता रद्द गरेपछि जरीफ इरानका कट्टरपन्थीको निशानामा थिए। सम्झौता अनुसार इरानले आफ्नो परमाणु कायक्रम सीमित गर्नु परेको थियो।
सोमबार सीरियाका राष्ट्रपति बशर अल असदले इरानका सर्वोच्च धार्मिम नेता अयातुल्लाह अली खामनेईसँग तेहरानमा भेटवार्ता गरेका थिए। तर उक्त बैठकमा जरीफ उपस्थि थिएनन्। २०११ मा सीरियामा सुरु भएको गृहयुद्धपछि सीरियाली राष्ट्रपतिको यो पहिलो विदेश भ्रमण हो। सीरियामा गृहयुद्धका क्रममा इरान र रुसले सीरियाली सरकारलाई सहयोग गरेका छन्।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया