एएफसी-१९ मा अाज नेपाल र किर्गिजस्तान भिड्दै (टोलीको विवरणसहित)
सारांश
- किर्गिजस्तान ।
- एएफसी अण्डर नाइन्टिन च्याम्पियनसिपको छनोट खेलमा मंगलबार नेपालले किर्गिजस्तानसँग प्रतिस्पर्धा गर्दैछ ।
- किर्गिजस्तानको बिस्केकस्थित डोलेन ओमुरजाकोभ स्टेडियममा नेपाली समयअनुसार विहान पौने बाह्र बजे हुने खेल हुनेछ ।
किर्गिजस्तान । एएफसी अण्डर नाइन्टिन च्याम्पियनसिपको छनोट खेलमा मंगलबार नेपालले किर्गिजस्तानसँग प्रतिस्पर्धा गर्दैछ । किर्गिजस्तानको बिस्केकस्थित डोलेन ओमुरजाकोभ स्टेडियममा नेपाली समयअनुसार विहान पौने बाह्र बजे हुने खेल हुनेछ । दुवै नेपाली टोली जितका लागि खेल्ने बताएका छ।
नेपालभन्दा किर्गिजस्तान तुलनात्मक रुपले बलियो टिम मानिन्छ । यसअघि नेपाल र किर्गिजस्तानबीच भएका तीन खेलमा नेपालले एक मात्रै जितेकाे छ। एक महिनाअघि साफ अण्डर एट्टिनको उपाधी जितेको नेपाल उच्च मनोवलका साथ मैदानमा प्रस्तुत हुने नेपाली टाेलीका क्याप्टेन अर्पण कार्कीले बताए।
एएफसी अण्डर नाइन्टिन च्याम्पियनसिपको छनौट समूह ‘ए’ मा रहेको नेपालले किर्गिजस्तानसँगै युएई, ओमान, बहराइनसँग प्रतिस्पर्धा गर्नेछ ।
नेपाली टिमले बिहीबार बहराइन, शनिबार युएईसँग तथा अर्काे बुधबार ओमानसँग खेल्ने छ । समूहको शिर्ष स्थानमा रहने टोली २०१८ को अक्टोवरमा इन्डोनेसियामा हुने एएफसी अण्डर नाइन्टिन च्याम्पियनसिपका लागि छानिने छ। समूह चरणको खेलमा दोस्रो स्थानमा रहने उत्कृष्ट टिम पनि प्रतियोगिताका लागि छनौट हुनेछ । च्याम्पियनसिपमा आयोजक सहित दशवटा समूहका शीर्ष टिम र दोस्रो स्थान हासिल गरेका पाँच टिम छानिनेछन्।
नेपाली टोली: अर्पण कार्की(कप्तान), प्रजेन तामाङ, अभिषेक बराल, विश्व उदास, असिम भुसाल, विकास खवास, अशोक थापा, दिनेश हेन्जन, अभिषेक रिजाल, अनिल महर्जन, सेसाङ आङदेम्बे, आकाश श्रेष्ठ, राजेश परियार, मनिस थापा, सजित गुरुङ।
प्रमुख कोच : छिरिङ लोप्साङ
कोच : पुस्कर शाही
प्रतिक्रिया