एकताबारे ओली र प्रचण्डले थप गृहकार्य गर्ने, यस्ता छन् अबका विषय ?
सारांश
- काठमाडौं, माघ ७ ।
- एमाले र माओवादी केन्द्रबीच एकता गर्न गठित पार्टी एकता संयोजन समितिको बैठक सम्पन्न भएपनि एमाले अध्यक्ष केपी ओली र माओवादी अध्यक्ष प्रचण्डबीच थप छलफल हुने भएको छ ।
- ओली निवास बालकोटमा आज बसेको बैठकमा पार्टी एकताबारे छलफल भएपनि कुनै ठोस निर्णय नभएको बताइएको छ ।
काठमाडौं, माघ ७ । एमाले र माओवादी केन्द्रबीच एकता गर्न गठित पार्टी एकता संयोजन समितिको बैठक सम्पन्न भएपनि एमाले अध्यक्ष केपी ओली र माओवादी अध्यक्ष प्रचण्डबीच थप छलफल हुने भएको छ । ओली निवास बालकोटमा आज बसेको बैठकमा पार्टी एकताबारे छलफल भएपनि कुनै ठोस निर्णय नभएको बताइएको छ ।
एमाले अध्यक्ष ओली र माओवादी अध्यक्ष प्रचण्डले थप गृहकार्य गर्नुपर्ने देखिएको माओवादीका एक नेताले बताए ।
नेतृत्वको कार्यदलले नै थप गृहकार्य गर्ने नेताहरुले बताएका छन् ।कार्यदलमा एमाले ४ र माओवादी केन्द्रले २ मुख्यमन्त्री लिने लगभग सहमति भएको छ ।
दुई अध्यक्षबीच छलफल भएपछि समितिको बैठक बस्ने र संगठन तथा वैचारिक विषयमा गृहकार्य गर्न कार्यदल बनाउने समझदारी भएको छ ।
नयाँ सरकारको सुशासन र विकासका प्राथमिकताबारे सुझाव दिन एमाले उपाध्यक्ष बामदेव गौतमको नेतृत्वमा ७ सदस्यीय कार्यदल गठन गरेको छ । कार्यदलमा एमालेका भीम रावल, युवराज खतिवडा, विजय पौडेल छन् भने माओवादीबाट वर्षमान पुनसहित तीन जना छन् ।
प्रतिक्रिया