एकै परिवारका ४ जनाले नदीमा हाम फाले, ३ जना बेपत्ता
सारांश
- डोटी – डोटीको एक गाउँका एकै परिवारका ४ जनाले सेती नदीमा हाम फालेका छन् ।
- नदीमा हाम फालेका ३ जना बेपत्ता भएको प्रहरीले जनाएको छ ।
- डोटीको आदर्श गाँउपालिकाका एकै परिवारका चार जनाले सेती नदीमा हाम फालेको बताइएको छ ।
डोटी – डोटीको एक गाउँका एकै परिवारका ४ जनाले सेती नदीमा हाम फालेका छन् । नदीमा हाम फालेका ३ जना बेपत्ता भएको प्रहरीले जनाएको छ ।
डोटीको आदर्श गाँउपालिकाका एकै परिवारका चार जनाले सेती नदीमा हाम फालेको बताइएको छ ।
नदीमा हाम फालेकामध्ये ६ वर्षीय सुनिल बोहरालाई सेती नदीमा माछा मार्दै गरेका मानबहादुर बिकले बचाउन सफल भएका छन् भने अन्य तीन जना बेपत्ता छन् । घटनास्थल डोटीको तलारा र बैतडीको ढुंगाड क्षेत्रमाको सीमाक्षेत्रमा पर्दछ।
जिल्ला प्रहरी कार्यालय डोटीका अनुसार आदर्श गाउँपालिकाका बमबहादुर बोहराकी श्रीमतीसहित दुई छोरा र एक छोरी हुन् । बोहराकी २८ वर्षीया श्रीमती धौली बोहरा, १२ वर्षीया छोरी राधिका बोहरा, ८ वर्षीय छोरा सुरेन्द्र बोहरा र ६ वर्षीया छोरा सुनिल बोहराले सेती नदीमा हाम फालेको इलाका प्रहरी कार्यालय दिपायलका प्रहरी सहायक निरीक्षक डबलबहादुर कठायतले सञ्चारमाध्यमलाई जानकारी दिएका छन् ।
एकैपटक सेतीमा किन हाम फाले भन्ने विषयमा छानविन तथा अनुसन्धान भैरहेको जिल्ला प्रहरी कार्यालय डोटीले बताएको छ । जिल्ला प्रहरी कार्यालयले घटनासम्बन्धी अनुसन्धान र बेपत्ताको खोजी कार्य भैरहेको जनाएको छ ।
धौलीका श्रीमान् बमबहादुर बोहरा सहितलाई जिल्ला प्रहरी कार्यालय बोलाइएको छ । उनको बयानपछि मात्र घटनाका बारेमा केही थप जानकारी खुल्न सक्ने जिल्ला प्रहरी कार्यालय डोटीले जनाएको छ ।
प्रतिक्रिया
Khadka Yam
Rip