एक करोड ४९ लाखा रुपैयाँ हिनामिनामा वडासचिव  पक्राउ !

हुम्ला, ६ जेठ । सामाजिक सुरक्षा भत्ता बापतको एक करोड ४९ लाखा रुपैयाँ हिनामिना गरेको अाराेपमा वडासचिव  पक्राउ परेका छन ।

जिल्ला प्रहरी कार्यालयको टोलीले  ताँजकोट गाउँपालिकाका वडासचिव गोपालचन्द्र लामालाई  पक्राउ गरेको हाे।

लामाले साविकको मैला र मदना गाविसमा कार्यरत रहँदा सामाजिक सुरक्षा भत्ता बापतको एक करोड ४९ लाखा रुपैयाँ हिनामिना गरेको ताँजकोट गाउँपालिका अध्यक्ष वागदल छत्यालले बताएका छन।

यता लामालार्इ वडा कार्यालयमा हाजिर हुन गरेको पटक पटकको ताकेता अटेर गरेकाले उनलाई नियन्त्रणमा लिएको अख्तियार दुरुपयोग अनुसन्धान आयोगका प्रवक्त्ता दीर्घराज मैनालीले जानकारी दिएका छन ।

हुम्लाकोे ताँजकोट गाउँपालिकाअन्तर्गत साविकको मैला र मदना गाविसमा सचिवरहँदा लामाले विभिन्न समयमा आर्थिक अनियमितता गरेको आरोपसहित उजुरी परेको थियो।

उजुरीको आधारमा छानबिनका लागि बारम्बार बोलाउँदा समेत सम्पर्कमा नआएपछि प्रहरी लगाई छानबिनको लागि समातिएको अख्तियार दुरुपयोग अनुसन्धान आयोगले जनाएको छ।

गाविस सचिव लामाले गाउँमा जाने सामाजिक सुरक्षा भत्ता र पुँजीगत रकमको नक्कली कागजात समेत पेश गरेको र गाउँमा सामाजिक सुरक्षा भत्तासमेत वितरण नगरेको अनुसन्धानका क्रममा पाइएको आयोगले  जानकारी दिएको छ।

पक्राउ परेका लामालाई छानविनका काठमाडौं पठाइएको जिल्ला प्रहरी कार्यालयले बताएको छ।