एमाले–माओवादी केन्द्रको संयुक्त कार्यक्रममा लफडा, कार्यकर्ता आक्रोशित भएपछि निकालियो ब्यानर

काठमाडौँ, ९ बैशाख । एमाले र माओवादी केन्द्रको संयुक्त कार्यक्रममा लफडा मच्चिएको छ । नेकपाको स्थापना दिवस, लेनिन जयन्तीकै अवसर पारेर वाम एकता दिवसको रुपमा मनाउने भनिएको कार्यक्रमको मूल व्यानर देखेपछि कार्यकर्ता आक्रोशित भएर चर्को नाराबाजी गरेका थिए ।

कार्यकर्ता आक्रोशित भएर नाराबाजीमा उत्रिएपछि मुख्य ब्यानर झिकिएको छ । ठूलो संख्यामा रहेका कार्यकर्ताहरुले ब्यानरमा कार्ल माक्र्स र लेनिनको फोटो नदेखेपछि नाराबाजीमा उत्रिएका थिए । लेनिन दिवसमै लेनिनको फोटो नराखेको भन्दै कार्यकर्ताको चर्को नाराबाजीका कारण मुख्य ब्यानर नै निकालिएको हो ।

पार्टी एकताको घोषणा मितिका रुपमा निर्धारण गरिएको आज बैशाख ९ को कार्यक्रममा एकताबारे एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल “प्रचण्ड”ले एकताको सन्देश दिने कार्यक्रम राखिएको छ ।