एसिया कप क्रिकेटः सेमिफाइनल समिकरण पुरा, अफगानिस्तादेखि सबै त्रस्त !

काठमाडाैँ, ५ असाेज । यएइमा जारी एसिया कप क्रिकेटकाे सेमिफाइनलकाे समिकरण पुरा भएकाे छ । विहिबार भएकाे खेलमा अफगानिस्तानले बंगलादेशलाई हराएपछि सेमिफाइनलका खेलकाे टुङ्गाे लागकाे हाे । सेमिफाइनलमा समूह ए काे शिर्ष स्थानमा रहेकाे भारत र समूह बि काे दाेस्राे स्थानमा रहेकाे बंगलादेश भिड्नेछन् । भने अर्काे खेलमा समूह बि काे शिर्ष स्थानमा रहेकाे अफगानिस्तान र ए काे दाेस्राे स्थानमा रहेकाे पाकिस्तानबीच हुनेछ । दुवै खेल शुक्रबार हुनेछन् ।

टेस्ट मान्यता पाएपछि पहिलाेपटक एसिया कप खेलिरहेकाे अफगानिस्तानलाई उपाधिकाे दावेदारका रुपमा हेरिएकाे छ । अाफ्नाे पहिलाे खेलमा ५ पटककाे विजेता श्रीलंकालाई ९१ रनले हराएकाे अफगानिस्तानले विहिबार भएकाे खे‍लमा बंगलादेशलाई १ सय ३६ रनकाे फराकिलाे अन्तरले हराएकाे थियाे । बंगलादेशले एसिया कपकाे उपाधि एकपटक उचालेकाे छ ।

सेमिफाइनलमा पाकिस्तानले अफगानिस्तानकाे सामना गर्नेछ । अफगानिस्तान र पाकिस्तान अहिले सम्म दुई पटक अामनेसामने भएपनि अफगानिस्तानले जित दर्ता  गर्न सकेकाे छैन । तर अफगानिस्तानकाे पछिल्लाे प्रदर्शन र अाफ्नाे भारत विरुद्धकाे खेलका कारण पाकिस्तानले अफगानिस्तानलाई एक बलियाे प्रतिद्वन्द्वीका रुपमा हेर्नेछ ।