ओम अस्पतालको सञ्चालक समितिको अध्यक्षमा उद्धव पौडेल सर्वसम्मत चयन

काठमाडौं, २१ भदौ । ओम हस्पिटल एण्ड रिसर्च सेन्टर प्रा.लि. (ओम अस्पताल) को सञ्चालक समितिको भदौ २० गते बसेको बैठकले अस्पतालका सञ्चालक उद्धव पौडेललाई अध्यक्ष पदमा सर्वसम्मत चयन गरेको छ । हस्पिटलको स्थापनाकालदेखि सञ्चालक समितिमा रहँदै आएका पौडेल विशिष्ट चलचित्रकर्मी र नेपाल सरकारबाट प्रदान गरिने पहिलो लाईफ टाइम एचिभमेण्ट एवार्डबाट विभूषित पनि हुन् ।

अध्यक्ष चयन भएपछि सञ्चालक समितिको बैठकमा पौडेलले ओम हस्पिटललाई देशकै नमूना हस्पिटल बनाउन समिति, कर्मचारी र आम जनसमुदायलाई अपील गरेका छन् । ओम हस्पिटलले उच्चतम् आधुनिक प्रविधि भित्राउँदै स्वास्थ्य क्षेत्रमा गुणस्तरीय सेवा प्रवाह गर्ने लक्ष्य लिएको छ । साथै, गरिब, असहायलाई आवश्यकता अनुसार सहुलियत र निःशुल्क उपचार प्रदान गर्न कार्यविधि बनाई कार्यान्वयन गर्ने भएको छ । ओम हस्पिटल जनताको हस्पिटल बनाउने लक्ष्यमा सदाझैं समाजका सबै पक्षबाट निरन्तर सहयोगको अपेक्षा गरिएको यसका प्रवन्ध सञ्चालक बाबुकाजी कार्कीले गरेका छन् ।