ओलीले सपनामा पनि चुनाव सारेको देख्नु हुन्छ: प्रधानमन्त्री देउवा

काठमाडौं, ८ मंसिर ।  नेपाली कांग्रेसका सभापति एवं प्रधानमन्त्री शेरबहादुर देउवाले नेकपा एमालेका अध्यक्ष केपी शर्मा ओलीले मंसिर १० र २१ गते चुनावमा सम्पन्न भएपछि पनि ‘शेरबहादुर देउवाले चुनाव सार्दैछ’ भनिरहने बताएका छन् ।

रोल्पाका लिवाङमा आयोजित कार्यक्रममा बोल्दै प्रधानमन्त्री देउवाले ‘ओलीले हिजो आज सपनामा पनि चुनाब सारेको देखिरहनुभएको छ ।’
मौन अबधि सुरु हुनु भन्दा केहि घण्टा अगाडि रोल्पाको सदरमुकाम पुग्नुभएका प्रधानमन्त्री तथा नेपाली कांग्रेस सभापति शेरबहादुर देउबाले मंसिर १० गते हुने प्रतिनिधि सभा र प्रदेश सभाको निर्वाचनमा नेपाली कांग्रेस र लोकतान्त्रिक गठबन्धनका उम्मेद्वारहरुलाई विजयी बनाएर मुुलुकबाट कम्युनिष्टहरुको आतंकलाई सधैभरिका लागि विदा दिनुपर्ने पर्ने बताए ।

जनयुद्धको नाममा लोकतन्त्रको पक्षमा लाग्ने निमुखा जनताको हत्या र हिसा गर्ने कम्युनिष्टहरुको सरकार आयो भने डर र त्रासमा बाँच्नु पर्ने भन्दै सभापति देउवाले ‘नेपालका कम्युनिष्टले विश्वमै खत्तम भईसकेको व्यवस्था नेपाल ल्याउन चाहेको’ बताए ।
‘नेपालका कम्युनिष्टहरुले चीनमा सकिएको माओबाद, रुसमा लेनिनबाद र माकर््सबादको सपनामा जनता भुलाईरहेका छन्,’ उनले भने ।
प्रधानमन्त्री देउवाले कम्युनिष्टहरुका कारण लोकतन्त्रमाथि खतरा उत्पन्न भएकाले प्रजातन्त्र र गणतन्त्र ल्याउने नेपाली कांग्रेसलाई भोट हाल्नु पर्ने बताए ।
‘द्वन्द्वको सबै भन्दाबढि हाम्रा कार्यकर्ता मारिएको जिल्ला हो । देश कता जान्छ । एकदलीय कम्युनिष्टतिर कि बहुदलीय व्यवस्थामा नै अड्छ त्यो तपाईहरुकै हातमा छ, अब रोज्नु पर्ने समय आएको छ ’ प्रधानमन्त्री देउवाले भने ।