ओस्कार अवार्ड वितरणका क्रममा भएको ऐतिहासिक गल्तीका लागि ति दुई कर्मचारीलाई आइन्दा काम नदिने

ओस्कार अवार्ड वितरणका क्रममा भएको ऐतिहासिक गल्तीका लागि एकेडेमीले दुई कर्मचारीलाई जिम्मेवार ठहर्‍याएको छ ।

र, आइन्दा उनीहरुलाई काम नदिने निर्णय लिएको छ ।

एकाउन्टेन्सी र्फम प्राइस वाटर हाउसकूप (पीडब्लुसी) सँगको सम्वन्धलाई पनि पुनर्विचार गरिने एकेडेमीका अध्यक्ष शेरिल बून आइज्याक्सले बताए ।

गत आइतबार ८९ औं ओस्कार समारोहमा पीडब्लुसी र्फमका कर्मचारीद्वय ब्रायन कलिनन र मार्था रुजले ‘ला ला ल्यान्ड’ लाई विजेता घोषण गरे । पछि गल्ती भएको भन्दै उक्त अवार्ड खोसेर ‘मुनलाइट’लाई दिइएको थियो ।

यसलाई ओस्कारको ८९ वर्षे इतिहासमै सबैभन्दा ठूलो गल्ती मानिएको छ । कलिननले नाम घोषणा गर्ने दुई पि्रजेन्टरलाई सर्वश्रेष्ठ फिल्मको नाम रहेको खामको ठाउँमा सर्वश्रेष्ठ अभिनेत्रीका लागि छानिएको नामको खाम थमाएका थिए ।

भोट गन्ती गर्ने र खामहरुको जिम्मेवारी सम्हाल्ने र्फम पिडब्लुसीले यस गडबडीका लागि माफी मागिसकेको छ । कलिननले गलत खाम थमाएको केही मिनेट पहिले मात्रै सर्वश्रेष्ठ अभिनेत्री एमा स्टोनको तस्वीर टि्वट गरेका थिए, जबकि बून आइज्याक्समाथि यस गल्तीका लागि ‘ध्यान विकेन्दि्रत’ गरेको आरोप छ ।