कस्ले राख्यो टिचिङ अस्पतालमा रहेको ‘लकर’मा पेस्तोल ?
सारांश
- काठमाडौं, २७ जेठ।
- काठमाडौंको महाराजगन्जस्थित त्रिवि शिक्षण (टिचिङ) अस्पतालमा रहेको ‘लकर’बाट पेस्तोल र गोली बरामद भएको छ ।
- अस्पतालमा भर्ना भएका बिरामीका आफन्तले झोलालगायतका सामान राख्ने लकरमा पेस्तोल र ३ राउण्ड गोली फेला परेको प्रहरीले जनाएको छ ।
काठमाडौं, २७ जेठ। काठमाडौंको महाराजगन्जस्थित त्रिवि शिक्षण (टिचिङ) अस्पतालमा रहेको ‘लकर’बाट पेस्तोल र गोली बरामद भएको छ ।
अस्पतालमा भर्ना भएका बिरामीका आफन्तले झोलालगायतका सामान राख्ने लकरमा पेस्तोल र ३ राउण्ड गोली फेला परेको प्रहरीले जनाएको छ ।
अस्पतालको रेडियोलोजी विभागमा रहेको लकर विगत लामो समयदेखि बन्द रहेको थियो । लकरमा सामान राख्ने भनेर साँचो लगेका कुनैपनि व्यक्ति सम्पर्कमा नआएपछि अस्पतालले सार्वजनिक सूचना नै जारी गरेको थियो ।
सार्वजनिक सूचना जारी गर्दा पनि कुनै व्यक्ति सम्पर्कमा नआएपछि आइतवार लकर तोडिएको थियो । लकर तोड्दा पेस्तोल र गोली बरामद भएको महानगरीय प्रहरी परिसर काठमाडौंले जनाएको छ ।
प्रहरीले पेस्तोल र गोली नियन्त्रणमा लिएर थप अनुसन्धान गरिरहेको जनाएको छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया