काठमाडौँमा पुरुष बेश्याको बिगबिगी

कुनै समय काठमाडौँको ठमेल लगायत पोखरा, चितवन, इटहरी लगायतका देशका सहरी क्षेत्रमा हुने बेश्यावृतिको निकै ठूलो चर्चा परिचर्चा हुने गथ्र्यो । तर केही वर्षयता महिला बेश्यावृति मात्रै होइन, पुरुष बेश्यावृतिको पनि राम्रै चर्चा हुन थालेको छ । भनिन्छ काठमाडौँमा मात्रै अहिले हजारौँको संख्यामा पुरुष बेश्या सक्रिय छन् । यी पुरुष बेश्याका ग्राहक खासगरी धनाढ्य युवती र विदेशमा श्रीमान रहेका महिला रहेका छन् । हामीले राजधानीमा सक्रिय केही पुरुष बेश्या अर्थात जिगोलोलाई प्रतिनिधि पात्रको रुपमा प्रस्तुत गर्दैछौ ।

अर्पण राई (नाम परिवर्तन)
भोजपुरका अर्पण राई (नाम परिवर्तन) काठमाडौँ बस्न थालेको एक दशक भइसक्यो । गाउँबाटै एसएसली उतिर्ण गरे पछि उच्च शिक्षाका लागि उनी काठमाडौँ आएका थिए । काठमाडौमा एउटा निजी कलेजमा अध्ययन गर्न थालेका उनलाई घरबाट पठाइदिएको सिमित खर्चले पुगेन । नाइट क्लब जाने, बार जाने जस्ता साथीहरुको संगतका कारण उनलाई रात्रीकालीन जीवनको लत लाग्दै गयो । त्यसैले घरबाट पठाइदिएको सिमित खर्चले उनलाई धान्न मुस्किल हुन थाले आम्दानीको श्रोत खोज्न थाले । यसैक्रममा केही रेष्टुरेन्टमा वेटरको काम गर्न थालेका उनी केही पुरुष बेश्याको संगतमा पुगे । र, तीनै पुरुष बेश्याको सम्पर्कबाट उनले पनि श्रीमान बिदेशमा रहेका केही महिला फेला पारे । अहिले उनी ३ जना महिलाको सम्पर्कमा छन् । उनले ती महिलाले भनेको समयमा उनीहरुलाई सेवा दिनु पर्छ । यसरी सेवा दिए वापत् उनले प्रति महिला २० देखि ३० हजार रुपैयाँ खर्च पाइरहेका छन् । बिबिएस पढ्दापढ्दै पढाईलाइ विश्राम दिएका उनी अहिले अनामनगरमा राम्रै फ्ल्याट लिएर बसेका छन् । घरमा बाबुआमालाई क्यासिनोमा काम गर्छु भनेका छन् । बेलाबेलामा उनी घरमा खर्च पनि पठाइरहेका छन् । सुरुसुरुमा जिगोलोको काम नराम्रो लागे पनि अहिले उनी आफ्नो यो पेशा प्रति सन्तुष्ट नै रहेका छन् ।

वांग्चु शेर्पा(नाम परिवर्तन)
सोलुखुम्बुका वांग्चु जिल्लाकै एफएम रेडियोमा आरजे हुँदै करियरमा थप उचाई थप्न काठमाडौँ आए । बौद्धमा बस्न थालेका उनी एउटा रेडियो एफएममा समेत आवद्ध भए । एफएममा कार्यक्रम सञ्चालन गर्न थालेपछि उनी आफ्नो समुदायबीच निकै लोकप्रिय बने । उनीसँग संगत गर्न चाहनेको संख्या पनि दिन दुगुना रात चौगुनाको दरले बढ्यो । यसै बीच उनी केही यस्ता महिलाको संगतमा पुगे जसलाई उनले सेवा दिनु पर्ने अवस्था सिर्जना भयो । अहिले उनी पोर्चुगल र बेल्जियममा रहेकी दुई महिलाको निकट सम्बन्धमा छन् । उनीहरु नेपाल आएको समय शेर्पा श्वास फेर्न समेत नपाउने गरी व्यस्त हुन्छन् । पालैपालो मिलाएर ती दुई महिला नेपाल आएको समय उनी कहिले हायत त कहिले धुलिखेलमा उनीहरुको सेवामा रात बिताउँछन् । उनीहरुले पनि पोर्चुगल र बेल्जियमबाट उनलाई डलरका साथै मोबाइल, ट्याब्स, ल्यापटप लगायतका ग्याजेट पठाई रहन्छन् । बाहिरबाटै आफुलाई पुग्ने गरी खर्च आउने भएका कारण उनले एफएमको जागीरलाई टाइमपास गर्ने माध्यम मात्रै बनाएका छन् ।

जगत सिंह ठकुरी (नाम परिवर्तन)
अछाम, साफेबगरका जगन सिंह ठकुरी पनि राजधानीका व्यस्त जिगोलो अर्थात पुरुष बेश्या हुन् । पश्चिम नेपालबाट आएका धनाढ्य महिलाका उनी रोजाइका जिगोलो हुन् । सिनामंगलमा उनले एउटा रेष्टुरेन्ट पनि सञ्चालनमा ल्याएका छन् । तर रेष्टुरेन्ट उनका लागि हात्तीको देखाउने दाँत जस्तै हो । रेष्टुरेन्टमा आउने पैसावाल महिलालाई उनले मुर्गा बनाउने गरेका छन् । हरेक शुक्रबार सांगीतिक प्रस्तुति समेत हुने उनको रेष्टुरेन्टमा आउने महिलासँग नजिकको सम्बन्ध गाँस्दै उनी तिनीहरुबाटै आर्थिक लगायतका फाइदा लिन थाल्छन् ।