काठमाडौं आउन तयार भए डा केसी

काठमाडौं, ३ साउन ।  । जुम्लामा आमरण अनसनरत डा गोविन्द केसी काठमाडौं आउन सहमत भएका छन् । प्रहरीले आफ्ना समर्थकमाथि बलप्रयोग गरेपछि डा केसी आफैं काठमाडौं आउन तयार भएका हुन् । ‘विद्यार्थीहरु कुटिएको म हेर्न सक्दिँन, जान्छु भन्नु भएको छ’ डा विषद दहालले भने ।

युैबिच विगत २० दिनदेखि जुम्लामा अनसनरत रहेका डा। केसीलाई काठमाडौं ल्याउन प्रहरीहरुले बल प्रयोग गरेको छ । प्रहरीले डा केसीका समर्थकहरुमथि लाठी चार्ज गरेको हो । डाकेसीलाई काठमाडौं ल्याउन सेनाको हेलिकोप्टर गएपछि उनका समर्थकहरुले कर्णाली स्वास्थ्य विज्ञान प्रतिष्ठानमा अवरोध गरेका थिए ।

केसीका समर्थकहरुलाई तितरवितर बनाउँदै अस्पताल परिसरमा प्रवेश गरेको टोलीले डा केसीलाई हेलिकोप्टरमा हाल्ने तयारी गरेको छ । प्रहरीको टोली केहीबेर अघि प्रतिष्ठान पुगेपछि उनका समर्थक र जुम्लाका महिलाहरुले घेरा हालेका थिए ।