कानून, न्याय तथा संसदीय मामिला मन्त्रीमा दुई ‘भक्त’को चर्चा !

काठमाडौं , ९ साउन । कानून, न्याय तथा संसदीय मामिला मन्त्री शेरबहादुर तामाङले पदबाट राजीनामा दिएपछि रिक्त रहेको मन्त्री पदमा दुईजना निर्वाचित सांसदको चर्चा चलेको छ।  चर्चामा रहेका दुवै युवा नेता पूर्व एमालेका संसद हुन्।   मन्त्री बन्ने चर्चामा रहेका सांसदहरुमा दुवै ‘भक्त’ हुन्।  एकजना हुन् भानुभक्त ढकाल ।  जो पहिलो पल्ट समानुपातिकबाट सांसद बनेका र संसदमा प्रमुख सचेतक भएर पार्टीका लागि राम्रो भूमिका निभाएर चर्चामा आएका थिए ।

दोस्रो पटक मोरंग दुईबाट निर्वाचन जितेर प्रतिनिधिसभा पुगेका ढकाल एमालेका पूर्व पोलिटब्युरो सदस्य र हाल नेकपाको केन्द्रीय रहेका छन्।  पार्टी अध्यक्ष तथा प्रधानमन्त्री केपी ओली र वरिष्ठ नेता तथा पूर्व प्रधानमन्त्री माधबकुमार नेपालका पनि बिश्वास पात्र मानिन्छन।

कानून, न्याय तथा संसदीय मामिला मन्त्रीका लागि अर्का चर्चित सांसद पनि ‘भक्त’ नै रहेका छन्।  चितवन जिल्लाका चर्चित र प्रिय युवा  नेता तथा जिल्लाका अध्यक्ष अनि सांसद कृष्णभक्त पोखरेल  मन्त्रीका लागि चर्चाको शिखरमा छन्   ।  दोस्रो पटक चितवन दुईबाट  निर्वाचित भएका  सांसद कृष्णभक्त पोखरेलले यो पटक चान्स पाउनु पर्ने माग पनि कार्यकर्ता र नेता पंक्तिबाट उठिरहेको छ।  भानु भक्त  कि कृष्ण भक्त भन्ने अन्तिम निर्णय प्रधान मन्त्री ओली र वरिष्ठ नेता नेपालको सहमतिबाट हुने स्रोत बताउछ।

मन्त्रालय फोड्ने पनि तयारी !

स्वास्थ्य राज्य मन्त्री पद्म अर्याललाई बढुवा गरि स्वास्थ्य मन्त्रालयबाट अन्य मन्त्रालयमा लानका लागि मात्रिका यादवको वा चक्रपाणी खनालको मन्त्रालय टुक्र्याउने चर्चा पनि चलेको छ।