कैदी मृत्यु प्रकरण: मेरो श्रीमानलाई जेल भित्र कुटेर मारियो अच्चस्तरीय छानविन हुनुपर्छ

अस्बिन खड्का, ४ साउन । क्षेत्रीय कारागार झुम्का सुनसरीमा गत शुक्रबार मृत्यु भएका कैदी बन्दीको मृत्यु संकास्पद भएको भन्दै निज का आफन्तहरुले उच्च स्तरीय छानविनको माग गरेका छन । लागूऔषध मुद्दाका झुम्का कारागार चलान भएका इटहरी वडा नं १७ का ३५ बर्षीय सन्जु शेर्पाको मृत्यु कारागार भित्र कुटपिटकै कारणले भएको आरोप लगाउँदै आफन्तले उच्चस्तरीय छानविनको माग गरेका हुन

रिपोर्टर्स क्बल सुनसरीको सभाहलमा पत्रकार सम्मेलन गदै मृतक शेर्पाको आफन्तहरुले कारागार भित्र कुटपिट गरेर शेर्पाको मृत्यु भएको आरोप लगाए । मृतकी श्रीमती लिलामायाँ राई श्रीमानको शरीरभर निलडामभ भएको तस्विर देखाउँदै भनिन् मेरो श्रीमानलाई जेल भित्र कुटेर मारियो । राईले भनिन् मेरो श्रीमानको कसरी मृत्यु भयो ? पोष्टमार्टम सम्म किन भएन ? उनको प्रश्न थियो । शरीरको ढाड र पातामा चोटै चोट भएको जनाउँदै मृतकी श्रीमतीले कारागार भित्र उच्च स्तरीय छानविन गर्ने माग गरेकी छिन ।

२०५६ सालको मुद्दामा असार २४ गते अदालतमा आफै उपस्थित भएर कैद भुक्तानका लागि कारागार थिए मृतककी श्रीमती राईले गहभरी आँसु पादै भनिन् मैले न्याय पाईन । हाम्रो स्कुलको गाडी चलाउँदै आएका उनले आफु सँगैको सल्लाहमा ४५ दिनको जेल भुक्तानी गर्ने कारागार गएको उनको भनाई थियो । मेरो श्रीमानको हत्या भएको हो उच्च स्तरीय छानविन समिति बनोस उनले पत्रकारहरु सँग भनिन् ।

कारागारकै लापरर्वाहीले आफ्नो श्रीमानको मृत्यु भएको उनको दाबी थियो ।यता कारागार का जेलरले पोष्टमाटमको बारेमा हामीले केहि भनेनौ जेलर अधिकारीले भने । शेर्पाको मादक पदार्थ सेवनकै कारण मृत्यू भएको हुन सक्ने प्रशासनको भनाई छ । स्वास्थ्य जाँच गर्दा पनि डाक्टरले अल्कोलिक भनेर लेखेर दिएको जेलर अधिकारीले बताए ।

(Tramadol)