गणतन्त्र दिवसका दिन पनि अश्लील साइट हेर्छन !
सारांश
- काठमाडौं,२५ कात्तिक ।
- दक्षिण एसियामै हिन्दूको मुद्दामा अत्यन्त संवेदनशील र आक्रामक देखिने भारतीयहरु कतिखेर साधु सन्त बन्छन् अर्थात् अश्लील फिल्म र साइट हेर्दैनन् अनि शालीन र भक्त बनेर प्रकट हुन्छन् ?
- यसको सजिलो उत्तर छः धार्मिक बिदा हुनुपर्छ, भगवानको भक्ति आराधनामा व्यस्त हुनुपर्छ, धार्मिक मान्यताका नयाँ किताब आउनुपर्छ ।
काठमाडौं,२५ कात्तिक । दक्षिण एसियामै हिन्दूको मुद्दामा अत्यन्त संवेदनशील र आक्रामक देखिने भारतीयहरु कतिखेर साधु सन्त बन्छन् अर्थात् अश्लील फिल्म र साइट हेर्दैनन् अनि शालीन र भक्त बनेर प्रकट हुन्छन् ? यसको सजिलो उत्तर छः धार्मिक बिदा हुनुपर्छ, भगवानको भक्ति आराधनामा व्यस्त हुनुपर्छ, धार्मिक मान्यताका नयाँ किताब आउनुपर्छ । त्यतिखेर भारतीय अश्लील भिडियो र साइट हेर्न रुचाउँदैनन् । जस्तो कि, एउटा यस्तै पर्व हुने गर्छ दिवाली ।
चर्चित पुस्तक ‘इण्डिया कनेक्टेड’का लेखक रवि अग्रवाल भन्छन्, ‘प्रशस्त भारतीय अश्लील फिल्म दुनियाँमा डुबिरहेका छन् । उनीहरुलाई चाडपर्वको रमझम भन्दा अश्लील फिल्मी दुनियाँमै रस बस्दैछ ।’ एउटा अध्याय, ‘सर्चिङ फर सनीः द राइज अफ पोर्नोग्राफी’ मा लेखकले भनेका छन्, ‘सन २०१६ को अध्ययनमा त चाडपर्वमा पनि अश्लील फिल्म हेर्न छाड्दैनन् भारतीयहरु ।’ हिन्दूहरुको महान पर्व दिवालीमा पनि १७ प्रतिशत भारतीय अश्लील साइट हेरिरहेका हुन्छन् । जब कि रमदानमा पनि १५ प्रतिशतको काम यस्तै हुन्छ । अझ शनिबार त भारतीयको काम नै अश्लील फिल्म र पोर्न साइट हेर्ने भइरहेको छ । यसको तुलनामा आइतबार भने केही कमी देखिन्छ ।
अरु के कुरा गर्नु, स्वतन्त्रता दिवस र गणतन्त्र दिवसका दिन पनि अश्लील साइट हेर्नेको संख्या भारी हुन्छ भारतमा । सरकारले हालसालै ८ सय २७ पोर्न साइट बन्द गरेको छ । केही इन्टरनेट प्रदायक कम्पनीहरुको त यसबाट व्यापार नै गुमेको बताइएको छ । पोर्न साइट दिने इन्टरनेट प्रदायक कम्पनीको लाइसेन्सकै बारे उच्च अदालतमा बहस शुरु भएको छ । (इण्डियाटाइम्सबाट)
प्रतिक्रिया