शिखर खबर

गुन्डाहरुको लिस्ट तयार भइरहेकाे छ: गृहमन्त्री थापा

Shikharkhabar

मंगलबार, जेठ १, २०७५

७

१८ पटक हेरिएको

गुन्डाहरुको लिस्ट तयार भइरहेकाे छ: गृहमन्त्री थापा

Shikharkhabar

काठमाडाै, १ जेठ ।
गृहमन्त्री राम बहादुर थापाले गुन्डाहरुको लिस्ट तयार भइरहेको बताएका छन् ।
विकास र शान्ति सुरक्षामा बाधा पुर्‍याउने, महिला हिंसा, बलात्कारदेखि विकासविरोधी गुन्डागर्दी गर्ने सबैको लिस्ट तयार भइरहेको उनले बताएका हुन् ।

काठमाडाै, १ जेठ । गृहमन्त्री राम बहादुर थापाले गुन्डाहरुको लिस्ट तयार भइरहेको बताएका छन् ।

विकास र शान्ति सुरक्षामा बाधा पुर्‍याउने, महिला हिंसा, बलात्कारदेखि विकासविरोधी गुन्डागर्दी गर्ने सबैको लिस्ट तयार भइरहेको उनले बताएका हुन् । ‘गुन्डाराजको छिटोभन्दा छिटाे अन्त्य गर्छाैँ थापाले भने, ‘सबै गाउँमा गुन्डाहरुको ब्ल्याक लिस्ट तयार हुँदैछ ।’

गुन्डाहरुको अन्त्य गर्ने अभियान देशव्यापी रुपमा चलाउन लागिएको बताउने थापाले प्रदेश ४ मा पनि यो अभियान चलाउन लागेको बताए । गुन्डागर्दीकै करण कुनै पनि घटना वा विकास निर्माणको काम रोकिन नदिन गृहमन्त्री थापाले आइतबारको सुरक्षा गोष्ठीमा निर्देशन पनि दिएका थिए ।
सबै सिन्डिकेट अन्त्य
गृहमन्त्री थापाले देशबाट अब सबैखाले सिन्डिकेटको अन्त्य हुने पनि बताएका छन् । ‘यातायात क्षेत्रको सिन्डिकेट तोडिइसकेको छ,’ उनले भने, ‘अब यो क्षेत्रमा आउन अरु व्यवसायीलाई पनि बाटो खुलेको छ ।’
यातायात सिन्डिकेट अन्त्यसँगै मुठीभरका व्यवसायीलाई मात्रै फाइदा पुग्ने स्थिति नरहेर अब खुला भएको उनले बताए ।

मिटरमा टयाक्सी चलाउने कुरा, ट्रक व्यवसायी, ट्रान्सपोर्ट लगायतका क्षेत्रमा पनि सिन्डिकेट कायमै रहेको गुनासो आइरहेकाले सबैको अन्त्य गर्ने उनले बताए ।
यातायात समितिको खातामा रहेको सबै रकम अब सरकारको भएको गृहमन्त्री थापाले बताए । ‘समितिका खाताबाट जति रकम निकाल्नु उनीहरुले पहिल्यै निकाले, अब त्यो रकम सबै सरकारको हुन्छ,’ गृहमन्त्री थापाले भने, ‘बिमा, सुरक्षा र क्षतिपूर्तिका विषयमा सरकारले ठोस योजना ल्याएसँगै सबै सिन्डिकेट अन्त्य हुन्छ ।’
प्रहरीभित्र सबै तहको बढुवा गर्नका लागि तल्लो तहबाट बढुवाको थालनी गरिएको पनि उनले बताए । ‘तल्लो तहबाट बढुवा थालिएको छ,’ गृहमन्त्री थापाले भने, ‘अब डिआइजीहरुको पनि बुढो नहुँदै बढुवा हुन्छ ।’

(emdrprofessionaltraining.com)