गोविन्द केसीको बयान बाहिरिएको भन्दै सर्वोच्चमा हंगामा

काठमाडौं, पुस २५ । अदालतको मानहनी गरेको आरोपमा पक्राउ परेका डा. गोविन्द केसीको मुद्दाको बयान बाहिरिएको भन्दै सर्वोच्चमा हंगामा मच्चिएको छ ।

केसीको बयान चलिरहेका बेला विभिन्न सञ्चारमाध्यमले लाईभ प्रसारण गरेको तथा बयानको हुबहु छापिएको भन्दै केसीको विपक्षमा बहस गर्ने वकिलहरुले प्रश्न गरेका थिए ।

अदालतमा दिइएको बयान नसक्दै यसरी बाहिर जानु दुर्भाग्य भन्दै अदालत प्रशासनलाई यसको यथार्थ जानकारी दिन र छानबिन गर्न वकिलहरुको होहल्ला र मागपछि समय अभाव देखाउँदै केसीको बहस बुधबारलाई सरेको छ ।

बुधबार वकिलहरुको माग अनुसार सर्वोच्च अदालतको सिसिटिभी क्यामेराको जाँचपछि पुनः बहस हुने बताइएको छ ।

त्रिवि शिक्षण अस्पतालका डा गोविन्द केसीको मंगलबार सर्वोच्च अदालतमा बयान लिने क्रम सकिएपनि बहस हुन सकेन । बहस हुन नसकेपछि केसीलाई राख्न सिंहदरवार प्रहरी वृत्तमै राखिएको छ ।

अदालतको मानहानी गरेको अरोपमा केसी सोमबार पक्राउ परेका थिए । मंगलबार बिहानै अदालत लगिएका केसीको बयान दिउँसो २ बजेमात्रै सुरु भएको थियो ।