गौचन हत्याको योजनाकार समीरमान बस्नेत भारतमा पक्राउ

काठमाडौं । नेपाल निर्माण व्यवसायी महासंघका अध्यक्ष शरदकुमार गौचन हत्याका मुख्य योजनाकार समीरमान बस्नेत भारतमा पक्राउ परेका छन्।

केन्द्रीय अनुसन्धान ब्यूरोको टोलीले बस्नेतलाई भारतबाट पक्राउ गरी नेपाल ल्याएको स्रोतले बताएका छन्।

केहीबेरपछि पत्रकार सम्मेलन गरी बस्नेतलाई सार्वजनिक गर्न लागिएको प्रहरी स्रोतले जानकारी दिएको छ।

यसअघि गौचनको हत्यामा संलग्न अन्य तीनजनालाई प्रहरीले पक्राउ गरिसकेको थियो । हत्यामा संलग्न सुटरसहित तीन जनालाई प्रहरीले यसअघि नै पक्राउ गरी सार्वजनिक गरेको थियो ।

गौचनको असोजको अन्तिम साता नयाँ बानेश्वरस्थित घरबाट निस्कने क्रममा गोली हानी हत्या भएको थियो।

काभ्रेका छिरिङ तामाङ, संजय तामाङ र दिलिप लामालाई प्रहरीले यसअघि नै पक्राउ गरिसकेको थियो।

गत आसोजमा गौचन आफ्नो घरबाट खरिबोट हुदैँ बानेश्वरको मुल सडकतर्फ आउँदै गर्दा हत्या भएको थियो। भनेको जति रकम नदिएको कारण सुटरहरुले बाटो ढुकेर गौचनको हत्या गरेका थिए।