ग्याल्वो ल्होसारमा विविध कार्यक्रम
सारांश
- आउदै गरेको ग्याल्पो ल्होसारको अवसर पारे विभिन्न सांस्कृतिक कार्यक्रमहरुको आयोजनाको तयारी भइरहेको छ ।
- यसैक्रममा हिमालयन शेर्पा सांस्कृतिक केन्द्रले शेर्पा समुदायको महान पर्व ग्याल्पो लोसारको अवसरमा लोसार गुथुक साँझसँगै विविध कार्यक्रम आयोजना गर्ने भएको छ ।
- नयाँ वर्ष स मो फाग् लो २१४६ औं ग्याल्पो लोसारसँगै केन्द्र स्थापनाको २५औं वर्षगाँठलाई रजत जयन्तीको रुपमा मनाउने गरी आउँदो माघ २० गतेदेखि २२ गतेसम्म चुच्चेपाटीस्थित हायत चौरमा उक्त कार्यक्रम आयोजना गर्न लागिएको हो ।
आउदै गरेको ग्याल्पो ल्होसारको अवसर पारे विभिन्न सांस्कृतिक कार्यक्रमहरुको आयोजनाको तयारी भइरहेको छ । यसैक्रममा हिमालयन शेर्पा सांस्कृतिक केन्द्रले शेर्पा समुदायको महान पर्व ग्याल्पो लोसारको अवसरमा लोसार गुथुक साँझसँगै विविध कार्यक्रम आयोजना गर्ने भएको छ । नयाँ वर्ष स मो फाग् लो २१४६ औं ग्याल्पो लोसारसँगै केन्द्र स्थापनाको २५औं वर्षगाँठलाई रजत जयन्तीको रुपमा मनाउने गरी आउँदो माघ २० गतेदेखि २२ गतेसम्म चुच्चेपाटीस्थित हायत चौरमा उक्त कार्यक्रम आयोजना गर्न लागिएको हो ।
शेर्पा समुदायको मौलिक कला, संस्कृति र भाषाको जगेर्ना उद्देश्यले शुभकामना आदानप्रदान गरी २१४६ औं ग्याल्पो लोसार मनाउने तयारी भइरहेको संस्थाका अध्यक्ष छिरिङ शेर्पाले बताए ।
अध्यक्ष शेर्पाका अनुसार माघ २० गते लोसार गुथुक साँझ, २१ गते बृहत स्याब्रु नृत्य तथा वक्तृत्वकला प्रतियोगिता, २२ गते स्व. साम्दे शेर्पा राष्ट्रिय पुरस्कार तथा विजेताहरुलाई पुरस्कार वितरण कार्यक्रम रहेको छ । सो अवसरमा ख्यातिप्राप्त कलाकारहरुको बेजोड प्रस्तुति समेत रहनेछ ।
३ दिने ल्होसार कार्यक्रममा श्याब्रु नृत्य प्रतियोगिता, साम्दे शेर्पा स्मृति वक्तृत्वकला प्रतियोगिता र साम्दे शेर्पा राष्ट्रिय पुरस्कार वितरण लगायतका विशेष कार्यक्रम पनि रहेको छ ।
शेर्पा समुदायको मौलिक कला, संस्कृति र भाषाको जगेर्ना उद्देश्यले शुभकामना आदानप्रदान गरी २१४६ औं ग्याल्पो लोसार मनाउने तयारी भइरहेको संस्थाका अध्यक्ष छिरिङ शेर्पाले बताए ।
कार्यक्रममा बृहत शेर्पा स्याब्रु नृत्य प्रतियोगिता र स्वर्गीय साम्दे शेर्पा वक्तृत्वकला प्रतियोगितासमेत आयोजना गर्न लागिएको अध्यक्ष शेर्पाले जानकारी दिए । उक्त प्रतियोगिताका विजेताहरुले आकर्षक पुरस्कारसमेत प्राप्त गर्नेछन् ।
श्याब्रु प्रतियोगिताको पुरस्कार राशी
दर्ता शुल्क : रू ५,०००
प्रथम पुरस्कार : रु ५०,०००–र ट्रफी र प्रमाणपत्र
द्धितीय पुरस्कार : रू. ३०,००० –र ट्रफी र प्रमाणपत्र
तृतीय पुरस्कार : रू. २०,००० –र ट्रफी र प्रमाणपत्र
पब्लिक च्वाइस् अवार्ड : रू १०,००० –
वक्तृत्वकलाको शीर्षक नेपालको राजनीतिक क्षेत्रमा शेर्पा समुदायको नेतृत्व किन स्थापना हुन सकेन ?
वक्तृत्वकला प्रतियोगिताको पुरस्कारः
दर्ता शुल्क स् १,००० –
प्रथम पुरस्कार : रू. २०,०००–र ट्रफी र प्रमाणपत्र
द्धितीय पुरस्कार : रू.१५,००० –र ट्रफी र प्रमाणपत्र
तृतीय पुरस्कार : रू. १०,००० –र ट्रफी र प्रमाणपत्र
सान्त्वना : रू ५,०००
प्रतिक्रिया