चितवन अपडेट : मतपत्र च्यातिएको बिषयमा छानविन गर्न समिति चितवन आईपुग्यो।
सारांश
- आइतवार भएको मतपत्र च्यातिएको बिषयमा निर्वाचन आयोगको टोली आज चितवन आईपुगेको छ।
- सो टोलीको छानवीन समितिले चितवनमा मतपत्र च्यातिएको बिषयमा र मतगणना प्रक्रियालाई अगाडी बढाउन आजदेखिनै काम शुरु गरेको छ ।
- आयोगले सहन्यायधिवक्ता गिताप्रसाद तिम्सिनाको संयोजकत्वमा गृह मन्त्रालयका सहसचिव महेश आचार्य र प्रहरी नायव महानिरिक्षक केदारमान सिंह भण्डारी सदस्य रहेको टोलीले छानविन थालेको हो ।
आइतवार भएको मतपत्र च्यातिएको बिषयमा निर्वाचन आयोगको टोली आज चितवन आईपुगेको छ। सो टोलीको छानवीन समितिले चितवनमा मतपत्र च्यातिएको बिषयमा र मतगणना प्रक्रियालाई अगाडी बढाउन आजदेखिनै काम शुरु गरेको छ । आयोगले सहन्यायधिवक्ता गिताप्रसाद तिम्सिनाको संयोजकत्वमा गृह मन्त्रालयका सहसचिव महेश आचार्य र प्रहरी नायव महानिरिक्षक केदारमान सिंह भण्डारी सदस्य रहेको टोलीले छानविन थालेको हो । टोलिका संयोजक तिम्सिनाका अनुसार आज जिल्लामा वस्तुस्थितिको वारेमा जानकारी लिई मुख्य निर्वाचन अधिकृतको कार्यालयमा मुख्य निर्वाचन अधिकृत, प्रमुख जिल्ला अधिकारी, जिल्ला प्रहरी कार्यालयका प्रमुख, मतगणना स्थलमा खटिएका शशस्त्र प्रहरीको तथा कर्मचारीहरुसँग छलफल गरेको छ । घटनाको वास्तविक अवस्थाको वारेमा मंगलवार राजनैतिक दलका प्रमुख एवं प्रतिनिधि र सरोकारवाला निकायका प्रतिनिधि संग समेत जानकारी लिने टोलीले जनाएको छ । मतगणना स्थलको स्थलगत निरिक्षण पश्चात टोलिले आगामी बुधवार निर्वाचन आयोगमा प्रतिवेदन बुझाउने गरी म्याण्डेट पाएको मुख्य निर्वाचन अधिकृत गम्भिर घिमिरेले जानकारी दिनुभयो।
प्रतिक्रिया