चौतर्फी घेराबन्दीका बीचमा पहिलो भयौँ : एमाले

काठमाडौं । चौतर्फी घेराबन्दी र अनेकौं प्रतिकूलताका बाबजुद पहिलो शक्ति बनेको भन्दै एमालेले खुसी व्यक्त गरेको छ ।

केन्द्रीय कार्यालय धुम्बाराहीमा बसेको एमाले स्थायी कमिटीको बैठकले सत्ता पक्षले राज्यशक्तिको चरम दुरुपयोग गरेको निष्कर्ष निकालेको हो ।

त्यस्तै एमाले निर्वाचनमा प्राप्त सफलता र कतिपय ठाउँहरुमा भएका अनपेक्षित परिणामको समग्र समीक्षा गर्दै १५ दिनभित्र प्रतिवेदन पार्टी केन्द्रमा पठाउन प्रदेश र जिल्ला कमिटीलाई निर्देशनसमेत दिएको छ ।
एमालेले असोज २ गतेका लागि तय गरिएको प्रदेश नम्बर २ को स्थानीय तह निर्वाचन निष्पक्ष, शान्तिपूर्ण, भयरहीत र स्वच्छ वातावरणमा सम्पन्न गर्न सम्बन्धित सबै पक्षको ध्यानाकर्षण गराएको छ । व्यवस्थित ढंगले चुनावमा खटिन  सम्बन्धित प्रदेश संगठन कमिटी र मातहत कमिटीहरुलाई निर्देशन गरेकोसमेत बताएको छ ।

यस्तै स्थानीय तह निर्वाचन सम्पन्न भएपछि मात्रै संविधान संशोधनको विषयमा छलफल गर्ने सहमतिविपरित सत्ता गठबन्धनद्वारा पुनः संविधान संशोधनको चर्चा चलाएको विषय गम्भीर भएको एमालेको ठहर छ ।

प्रस्तावित संविधान संशोधन प्रस्ताव राष्ट्रिय हीतविपरित र अनुचित रहेको पार्टीको अडानलाई एमालेले पुनः दोहो¥याएको छ ।