झलनाथ खनालले भने, ‘कम्युनिष्ट पार्टीभित्र म अन्यायमा परें’

काठमाडौं, ८ जेठ – नेपाल कम्युनिष्ट पार्टीका नेता झलनाथ खनालले पार्टी एकतापछि आफूमाथि अन्याय भएको बताएका छन् । नेकपाको वैठकमा बरिष्ठ नेताहरुको बीचमा खनालले बरियताक्रममा अन्याय भएको बताएका हुन् ।

नेकपाले बनाएको बरियताक्रमलाई सच्चाउन उनले आग्रह गरेका छन् । उनले आफूलाई अन्याय परेकाले बरियताक्रम सच्चाउन भनेका हुन् । एमाले र माओवादी केन्द्रको एकतापछि कम्युनिष्ट पार्टीमा दुईजना अध्यक्षपछि दोस्रो बरियता माधवकुमार नेपाललाई राखिएको छ । त्यसमा खनालले असन्तुष्टि व्यक्त गरेका हुन् ।

‘म माथि वरियताक्रममा भएको अन्यायबारे खुलेर कुरा राखेको छु । अहिले बनाइएको बरिताक्रम मलाई मान्य छैन, उनले भने ।

नेकपाभित्र पुनर्विचार गरेर सच्याउन समेत आग्रह गरेको उनले बताए । अध्यक्षद्वय केपी शर्मा ओली र पुष्पकमल दाहाल प्रचण्डले अर्को बैठकमा बरियताक्रमको विषयमा पनि छलफल हुने खनाललाई आश्वस्त पारेका थिए ।