झोला साटिएर हराएको साढे ४ लाख भेटिएपछि…

काठमाडौं । सिन्धुलीमा एक व्यक्तिले हराएको साढे ४ लाख रुपैयाँ भेटिएको छ । सिन्धुली कमलामाई बेलटारका खुशबहादुर श्रेष्ठले आफ्नो हराएको ४ लाख ५० हजार रुपैयाँ ट्राफिक प्रहरीले फेला पारेर दिएपछि भेटाएका हुन् । पैसा भेटाएपछि उनी निकै खुसी भए ।

आइतबार काठमाडौंबाट सिन्धुली जाने क्रममा श्रेष्ठको झोला साटिएको थियो । झोलामा रकम फेला पारेपछि ट्राफिक प्रहरीको टोलीले श्रेष्ठलाई दिएको हो । बेलटार शान्तिनगर चोकमा झरेपछि झोला सडक छेउमा राखेका श्रेष्ठले झोला अर्को यात्रुले बोकेर गएका थिए । दुवैजनाको झोला एकनासको थियो ।

श्रेष्ठले आफ्नो जस्तै झोला बोकेको व्यक्ति माइक्रो बस चढेर काठमाडौंतर्फ गएजस्तो लागेको बताएका थिए । ट्राफिक प्रहरीले माइक्रो बस जाँच गर्ने क्रममा श्रेष्ठको झोलासँगै साढे ४ लाख फेला पारेको हो । झोला भेटिएपछि ट्राफिक प्रहरीले झोला र पैसा श्रेष्ठलाई बुझाएका थिए ।