टाइगर नेस्ट एकपटक पुग्नै पर्ने बौद्ध तीर्थस्थल

भुटानमा रहेको टाइगर नेष्ट टेम्पल विश्वभर प्रशिद्ध रहेको छ । भुटानमा टाइगर नेष्ट टेम्पललाई अत्यन्त पवित्र बौद्ध टेम्पल पनि मानिन्छ । स्थानिय प्रचलनमा टाइगर नेष्टलाई ‘तक्षाङ मोनास्ट्री’को नामले पनि चिनिन्छ । अग्लो चट्टानी पहाडमा टाँसिएको जस्तो देखिने यो टेम्पल पुग्न र फर्कन अत्यन्तै कठिन छ । टाइगर नेष्ट टेम्पल समुन्द्र सतह भन्दा तीन हजार एक सय बीस मिटरको उचाईमा अवस्थित छ । पारो शहरबाट टेम्पल तर्पmको यात्रा शुरु हुन्छ । करिब १२ किलोमिटरको उकालो उक्लिए पछि यो टेम्पलसम्म पुग्न सकिन्छ । कतिपय परिस्थितिमा टाइगर नेष्ट टेम्पलसम्मको यात्रा कठिन मात्रै होइन, असम्भब जस्तो पनि लाग्दछ ।

पारोबाट उकालो लागेपछि बाटोमा जंगल, पहाड, तथा झरनाहरु भेटिन्छन् । चराचुरुङ्गीका स्वरहरुले टाइगर नेस्ट तर्पmको कठिन यात्रामा सहजता ल्याउँछन् । बाटोमा भेटिने एउटा झरनाको पानीले बौद्ध प्रार्थना आकृतिको स्वरुप बनाएको देखिन्छ । जसलाई प्रायः यात्रुले श्रद्धापूर्वक पुजा तथा परिक्रमा पनि गर्दछन् । बौद्ध धर्मावलम्बीले राखेका भगवान बुद्धको प्रतिमा अंकत ध्वजा पताकाहरु पनि टाइगर नेष्ट पु¥याउने बाटो काट्न सहयोग गर्ने साधन हुन् । मनमोहक वातावरण नसकिदै टाइगर नेष्ट पुग्न त सकिन्छ, तर कच्ची बाटो उकालै उकालो जानुपर्ने हुँदा यात्रा सहज भने छैन नै । यात्राले आधा दुरी पार गर्दा नगर्दा एउटा प्रार्थना स्थल आइपुग्छ । त्यहाँ पानी पिइसके पछि फ्याकिएका बोतल पुनः प्रयोग गरेर बनाइएका माने घुमाउदै तथा मन्त्र उच्चारण गर्दै स्थल परिक्रमा गर्ने चलन रहेछ । देशीविदेशी पर्यटकको बढ्दो उपस्थिति तथा त्यसकारण उत्पादन हुने फोहोर ब्यवस्थापनको प्रयास यहाँ देख्न सकिन्छ । भुटानमा बिदेशी पर्यटकका लागि साह्रै थोरै स्थानमात्र खुला गरिएका छन् । त्यस्ता स्थान मध्ये टाइगर नेष्ट पनि एक हो । यात्रा निरन्तर जारी रहँदा टाइगर नेष्ट नजिकै रहेको भ्यू प्वाइन्टमा पुगिन्छ । त्यहाँबाट टाइगर नेष्टको दर्शन मात्र हुदैन, वरपर रहेका मनमोहक दृष्यहरुको अवलोकन गर्न सकिन्छ । ढुंगाका कलात्मक आकृति अंकित रहेको टाइगर नेष्ट क्षेत्र घुम्न मन पराउनेहरुका लागि मुख्य पर्यटकिय गन्तब्य हुन सक्छ ।