टिफरको ठक्करबाट वालिकाको मृत्यू भएपछि ६ वटा टिफरमा आगजनी

विराटनगर,१४ माघ। टिफरको ठक्करबाट ११ वर्षीया वालिका लक्ष्मी ढकालको मृत्यु भएपछि मोरङको सुन्दरहरैंचा नगरपालिका–९ सिसौघारीमा स्थानीय हरुले ६ वटा टिफरमा आगजनी गरेका छन् ।

सोमबार विहान बिराटचौकबाट हरैंचातर्फ गइरहेको ना३ख ३३५५ नम्बरको टिपरले ठक्कर दिंदा सुन्दरहरैंचा–९ की ११ वर्षीया लक्ष्मी ढकालको मृत्यु भएको थियो । आक्रोसित स्थानीयले ठक्कर दिने टिफर सहित सो सडक खण्डमा गुडिरहेका अरु टिफर लाई समेत रोकेर आगजनी गरेका हुन् ।

दुर्घटनापछि स्थानीय बासिन्दाले सडकमा गुडिरहेका अन्य टिफरमा पनि तोडफोड गरेका छन् ।

स्थानीयले सडकमा टायर बालेर प्रदर्शन गरिरहेकोले त्यहाँको स्थिती तनावग्रस्त रहेको छ । उक्त सडक खण्डमा गुड्ने टिपरको ठक्करबाट कैयौं मानिसहरुको मृत्यू भइसकेको छ ।

स्थानीय बासिन्दाले टिपर आतंक रोक्नु पर्ने माग गर्दै प्रदर्शन थालेपछि स्थिती असामान्य बनेको प्रहरीले जनाएको छ । स्थानीय बासिन्दाले घटनास्थलमा जान खोजेको प्रहरीमाथि समेत ढुंगामुडा गरेका छन् ।टिफर आतंक बढेको भन्दै स्थानीय बासिन्दाले प्रहरी र प्रशासन विरुद्ध चर्का नारावाजी गरिरहेका छन् । घटनास्थलमा पुगेका प्रहरीलाई समेत स्थानीय बासिन्दाले अवरोध गरेका छन् ।