प्रियंका चोपडा लागिन ३७ वर्ष, आफुभन्दा १० वर्ष कान्छासँग विहे गरेर बनिन उद्धाहरण

बलिउड अभिनेत्री प्रियंका चोपडा निक जोन्ससँग आज आफ्नो ३७ औँ जन्म दिन मनाउँदैछिन् । प्रियंका अभिनेत्रीको रुपमा मात्रै होइन व्यक्तिगत जीवनका कारण पनि उद्धाहरणीय बनेकी छिन् । प्रियंकाको नाम धेरै बलिउड स्टारसँग जोडिएको थियो । उनको सम्बन्धको बारेमा मिडियामा धेरै समाचार तथा गसिप समेत बनेका थिए । तर उनले त्यसमा कुनै प्रतिक्रिया जनाइनन् ।तर जब उनले आफ्नो विहेको बारेमा खुलासा गरिन्, पुरै बलिउड उद्योग नै चकित बनेको थियो । उनले आफुभन्दा १० वर्ष कान्छा अमेरिकी गायक निक जोन्ससँग विहे गर्न लागेको खबर बाहिरिए पछि बलिउड नै तरंगीत बनेको थियो । उनले आफुभन्दा कान्छा निकसँग विहे गरेर केटीले आफुभन्दा बढि उमेरको सँग मात्रै विहे गर्नु पर्छ भन्ने मान्यता तोडेकी छिन् ।

दुवैको विहे भएको ६ महिना बितिसकेको छ । श्रीमान निक र उनको परिवारसँग प्रियंकाको सुमधुर सम्बन्ध रहेको छ । केही दिन अघि मात्रै उनले सासुको फोटो सामाजिक सञ्जालमा राख्दै सासुको जन्म दिनको शुभकामना दिएकी थिइन् । निक र प्रियंकाको जोडीलाई उनका प्रशंसकहरुले पनि मन पराएका छन् । दुवैको भेट एक अमेरिकी टिभी कार्यक्रमको सेटमा भएको थियो । त्यही भेट पछि उनीहरुको सम्बन्ध कस्सिलो बन्दै जाँदा अन्ततः विहेमै परिणत भयो ।

दुबै २०१७ मा एउटा रेड कार्पेटमा सँगै देखा परेका थिए । यतिबेलासम्म उनीहरुको प्रेम गाढा बनिसकेको थियो । उनीहरुको अफेयर्सको विषयलाई लिएर मिडियामा छ्यापछ्याप्ती खबर आउन थाल्यो । त्यसपछि भने उनीहरु सार्वजनिक कार्यक्रममा सँगै देखिएनन् । तर २०१८ मा मेमोरियल डे विकेण्डमा प्रियंका र निकको धेरै निकटको सम्बन्ध झल्काउने फोटो सार्वजनिक भयो ।

यो फोटो सार्वजनिक भएसँगै उनीहरुको सम्बन्धको बारेमा मिडिया पनि दुवै खास सम्बन्धमा रहेको भन्नेमा विश्वस्त बन्यो । प्रियंकाले एउटा अन्तरवार्तामा भनेकी थिइन् उनीहरु दुवै एउटा फिल्मको रेड कार्पेटमा २०१७ मा पहिलो पटक भेटेका थिए । त्यसपछि प्रियंकाले निकलाई आफ्नो घर लगिन् र आमा मधु चोपडासँग पनि भेटाइन् ।

प्रियंकाको भनाई अनुसार उनको ३६ औँ जन्म दिनमा राती १२ बजे ग्रीसमा निकले घुँडा टेक्दै भने ‘के म तिमीलाई यो रिङ लगाइदिन सक्छु रु’ निकको यस्तो प्रस्ताव आउने बित्तिकै प्रियंकाले हुन्छ भन्ने जवाफ दिएपछि दुवै भारत आए र इन्गेजमेन्ट गरे । प्रियंकाले इन्गेजमेन्टको फोटो सोसियल साइटमा राख्दै लेखिन् ‘यो देसी गर्लको मुटु यो विदेसी केटोले चोर्यो’त्यसपछि दुवैले आफ्नो रिलेसनलाई विहेमा परिणत गरे । गएको डिसेम्बर १ मा इशाई र डिसेम्बर २ मा हिन्दु संस्कार अनुसार प्रियंका र निकको विहे भयो ।

यी अभिनेत्रीको प्रेमा थिए राजेश खन्ना, विहे भए पनि सँगै बस्थे खन्ना
१८ जुलाई २०१२ मा करौडो फ्यानलाई स्तव्द बनाउँदै राजेश खन्नाले संसार छोडेका थिए । खन्नाको फिल्मी यात्राको सुरुवात चेतन आनन्दको फिल्म आखिरी खतबाट सुरु भएको थियो । उनले आफ्नो फिल्मी जीवनमा १८० भन्दा बढि फिल्ममा काम गरे । उनले ३ वर्ष लगातार १५ वटा हिट फिल्म दिएका थिए । लगातार १५ वटा हिट फिल्म दिएका कारण उनलाई बलिउडकै पहिलो सुपरस्टारको उपाधि दिइयो ।

खन्नाको फिल्मी जीवन जति रंगीन थियो, त्यति नै उनको प्रेम जीवन भने विवादित र रंगहिन रह्यो । उनले डिम्पल कपडियासँग विहे गरे । विहे भइसकेपछि उनी टिना मुनिमसँग रिलेसनमा बसे । यो थाहा पाएपछि डिम्पल घर छोडेर हिडिन् । डिम्पल नभएपछि खन्ना टिनासँगै बस्न थाले । उनीहरु कति गहिरो प्रेममा थिए भने खन्नाले कुनै समय दिएको अन्तरवार्ताबाटै थाहा हुन्छ । खन्नाले भनेका थिए ‘टिना र म एउटै टुथ ब्रस प्रयोग गथ्र्यौ ।’

दुई बीचको प्रेमको गठबन्धन कस्सिदै जाँदा टिनाले राजेशलाई विहेको दवाव दिन थालिन् । राजेशले डिम्पलसँग डिभोर्स गरेपछि विहे गर्ने आश्वासन दिए । तर टिनालाई राजेशको कुरामा विश्वार लागेन । उनले सोचिन ‘राजेश मसँग विहे गर्दैनन् ।’ त्यसपछि उनी खन्नाबाट टाढा हुँदै गइन् । भनिन्छ, टिनाले राजेशलाई छोडेर हिडेको समय खन्नाले उनलाई त्यसरी नजान निकै अनुरोध गरेका थिए । तर टिनाले राजेशको अनुरोधलाई वास्तै गरिनन् र छोडेर हिडिन् । र, राजेश खन्ना र टिनाको प्रेम सम्बन्ध खत्तम भयो ।

कविर सिंहको २७ दिनको बक्स अफिस कलेक्सन कति ?
बक्स अफिसमा धेरै वटा रेकर्ड तोड्न सफल साहिद कपुर र कियारा आडबाणी अभिनित फिल्म कविर सिंहको रफ्तारमा कमी आएको छ । कविर सिंहको रफ्तारको कमी हुनुको कारण पछिल्लो शुक्रबार प्रदर्शनमा आएका फिल्महरुलाई मानिएको छ । तर पनि फिल्म चौथो हप्तामा पनि ठीकैसँग चलिरहेको छ । कविर सिंहको अहिलेसम्मको कमाई २६४ करोड भारतीय रुपैयाँ रहेको छ ।

जुलाई १२ प्रदर्शन भएको ऋत्तिक रोशनको फिल्म सुपर ३० कारण कविर सिंहको व्यापार केही खुम्चिएको छ । प्रदर्शन भएको ६ दिनमै ऋतिक अभिनित फिल्म सुपर ३० ले ६५ करोड रुपैयाँको कारोबार गरेको छ । तर जुन २८ मा प्रदर्शन भएको आर्टिकल्स १५ भने कविर सिंहलाई केही असर पुर्याएको थिएन ।

कविर सिंहले गएको शुक्रबार २।५४ करोड, शनिबार ३।७५ करोड, आइतबार ४।०५ करोड, सोमबार १।६५ करोड, मंगलबार १।६० करोड र बुधबार करिब १ करोड रुपैयाँ कमाई गरेको थियो । कबिर सिंह २१ जुनदेखि प्रदर्शनमा आएको थियो । तेलगु हिट फिल्म अर्जुन रेड्डीको रिमेक कविर सिंहलाई शाहिद कपुरको करियरकै सबैभन्दा ब्लकबष्टर फिल्म हो ।