डा. केसीसंग वार्ता गर्न सरकारद्वारा समिति गठन
सारांश
- श्रावण १२, २०७४- सरकारले त्रिश्वविद्यालय शिक्षण अस्पताल हाताभित्र चार दिनदेखि आमरण अनसन गरिरहेका प्रा.
- डा.
- गोविन्द केसीसंग वार्ता गर्न तीन सदस्यीय समिति गठन गरेको छ ।
श्रावण १२, २०७४- सरकारले त्रिश्वविद्यालय शिक्षण अस्पताल हाताभित्र चार दिनदेखि आमरण अनसन गरिरहेका प्रा. डा. गोविन्द केसीसंग वार्ता गर्न तीन सदस्यीय समिति गठन गरेको छ ।
मन्त्रिपरिषद्को विहीबारको बैठकले शिक्षा सचिव शान्त वहादुर श्रेष्ठको संयोजकत्वमा स्वास्थ्य सचिव डा. किरण रेग्मी र प्रधानमन्त्री कार्यालयका सचिव गोपी मैनाली सदस्य रहेको वार्ता टोली गठन गरेको हो ।
वार्ता समिति आन्तरिक बैठकमा रहेको शिक्षा सचिव श्रेष्ठले बताए । उनले बैठक सकिए पछि वार्ता टोली डा. केसीसंग भेट्न शिक्षण अस्पताल जान लागेको पनि उल्लेख गरे ।
त्रिवि शिक्षण अस्पतालका वरिष्ठ हाडजोर्नी विशेषज्ञ केसीले सोमबार त्रिवि शिक्षण अस्पताल हाताभित्र ११ औं पटक आमरण अनशन सुरु गरेका थिए । डा. केसीले यसअघिका आफुसंग सरकारले गरेका लिखित सहमति कार्यान्वयन नभएको र ‘अरू धेरै गडबडी सिर्जना गरेकाले’ अनशन बस्न बाध्य भएको बताएका थिए ।
प्रतिक्रिया