तीन राप्रपाको एकता प्रक्रिया तीनतिर

काठमाडौं, २१ साउन । तीन राप्रपाको एकीकरण प्रक्रिया तीनतिर पुगेर अलमलमा परेको छ । कमल थापाले नेतृत्व गरेको राष्ट्रिय प्रजातन्त्र पार्टी (राप्रपा), पशुपतिशमशेर राणाले नेतृत्व गरेको राष्ट्रिय प्रजातन्त्र पार्टी (प्रजातान्त्रिक) र डा. प्रकाशचन्द्र लोहनीले नेतृत्व गरेको राष्ट्रिय प्रजातन्त्र पार्टी (राष्ट्रवादी)लाई पुनः एकीकृत गरी अघि बढ्ने कुरा अलमलमा परेको हो ।

पछिल्लो समय यी पार्टीहरुबीच एकीकरणको प्रक्रिया शुरु भएको थियो । राप्रपा र राप्रपा प्रजातान्त्रिक एकीकरण गर्ने भनी दुईवटै पार्टीले वार्ता समिति समेत गठन गरेका थिए । राप्रपाले बुद्धिमान तामाङको नेतृत्वमा वार्ता समिति गठन गरेको थियो । राप्रपा प्रजातान्त्रिकले दीपक बोहोराको संयोजकत्वमा वार्ता समिति बनाएको थियो ।, आजको नेपाल समाचारपत्रमा यो समाचार छापिएको छ ।