तीन वर्षदेखि फरार चालिसे जेल चलान
सारांश
- काठमाडौँ, ८ असार – नेपाल प्रहरी, केन्द्रीय अनुसन्धान ब्यूरोले भ्रष्टाचार मुद्दामा फरार रहेका शम्भुप्रसाद चालिसेलाई पक्राउ गरी जेल चलान गरेको छ ।
- तीन वर्षअघि उनी सम्पत्ति शुद्धीकरण अनुसन्धान विभागमा अनुसन्धान अधिकृत थिए ।
- विभागमा रहँदा उनले २०७१ साल साउनमा सम्पत्ति शुद्धीकरणको मुद्दा मिलाइदिन्छु भन्दै घुस लिँदा रंगेहात पक्राउ परेका थिए ।
काठमाडौँ, ८ असार – नेपाल प्रहरी, केन्द्रीय अनुसन्धान ब्यूरोले भ्रष्टाचार मुद्दामा फरार रहेका शम्भुप्रसाद चालिसेलाई पक्राउ गरी जेल चलान गरेको छ ।
तीन वर्षअघि उनी सम्पत्ति शुद्धीकरण अनुसन्धान विभागमा अनुसन्धान अधिकृत थिए । विभागमा रहँदा उनले २०७१ साल साउनमा सम्पत्ति शुद्धीकरणको मुद्दा मिलाइदिन्छु भन्दै घुस लिँदा रंगेहात पक्राउ परेका थिए । चालिसेले १० लाख रुपियाँ लिँदै गर्दा अख्तियार दुरुपयोग अनुसन्धान आयोगको टोलीले पक्राउ गरेको थियो ।
फरार अवस्थामा रहेका धादिङ घर भई हाल कामनपा–१४ कंलकी बस्ने चालिसेलाई बिहीबार पक्राउ गरी जेल चलान गरेको हो । विशेष अदालतले २०७४ चैत २० मा मुद्दाको फैसलाअनुसार १ वर्ष छ महिना कैद र रु १० लाख जरिवाना हुने ठहर गरेको थियो ।
चालिसेलाई काठमाडौँ जिल्ला अदालतमा पेश गरेकोमा अदालतको आदेशले कैद भुक्तानका लागि डिल्लीबजार कारागार पठाएको प्रहरीले जनाएको छ ।
प्रतिक्रिया
Prakash Babu
धेरै राम्राे