दाङमा अत्याधुनिक सुविधा भएको होटल माला इन माघ ४ देखि
सारांश
- दाङ, २७ पुस ।
- पाँच नम्बर प्रदेशको राजधानीको रुपमा चर्चामा रहेको दाङको सदरमुकाम घोराहीमा अत्याधुनिक सुविधा भएको होटल माला इन माघ ४ गतेदेखि शुरु हुने भएको छ ।
- सुविधासम्पन्न होटलको अभाव खड्किरहेको अवस्थामा व्यवसायी ओविन्द्र महराले उक्त होटल सञ्चालन गर्न थालेका हुन् ।
दाङ, २७ पुस । पाँच नम्बर प्रदेशको राजधानीको रुपमा चर्चामा रहेको दाङको सदरमुकाम घोराहीमा अत्याधुनिक सुविधा भएको होटल माला इन माघ ४ गतेदेखि शुरु हुने भएको छ । सुविधासम्पन्न होटलको अभाव खड्किरहेको अवस्थामा व्यवसायी ओविन्द्र महराले उक्त होटल सञ्चालन गर्न थालेका हुन् ।
होटल माला इन प्रालिका ओविन्द्र महराका अनुसार माघ ४ गते होटलको उद्घाटन गरिने छ । करोडौंको लगानीमा निर्मित होटल माला इनमा भीआइपी र अन्य गरी करीव ५० भन्दा बढी कोठा रहेका छन् । “दाङमा आवश्यकता भए पनि ठूला होटल सञ्चालनमा नआएकाले आफूहरुले नयाँ होटल सञ्चालनमा ल्याउन लागेको महराले बताए ।
होटलमा अर्गानिक तरकारीको व्यवस्था होटलमा विशेष गरेर नेपाली, चाइनिज, इण्डियन र साउथ इण्डियन खानाको व्यवस्था गरिनेछ । होटलमा चार÷चार सय जना अट्ने ठूला सेमिनार हल छन् भने साना–साना सेमिनार हलको पनि व्यवस्था गरिएको छ । होटलको सुरक्षाका लागि चारैतर्फ सीसी क्यामरा जडान गरिएको छ भने सयौँभन्दा बढी गाडी पार्किङको व्यवस्था गरिएको छ ।
दाङ जिल्ला उद्योग वाणिज्य संघका पूर्व उद्योग उपाध्यक्ष खड्ग बुढाथोकीका अनुसार होटलमा लिफ्टको व्यवस्था पनि गरिएको छ । लिफ्ट भएको होटल दाङमा यो नै पहिलो हो ।
प्रतिक्रिया