दाङमा बाम गठबन्धन र नेपाली काङ्ग्रेसका युवा बीच झडप, दुईजना घाइते
सारांश
- काठमाण्डौ, २१ मंसिर ।
- दाङमा बाम गठबन्धन र नेपाली काङ्ग्रेसका युवा बीच झडप भएको छ ।
- क्षेत्र नं।
काठमाण्डौ, २१ मंसिर । दाङमा बाम गठबन्धन र नेपाली काङ्ग्रेसका युवा बीच झडप भएको छ । क्षेत्र नं। ३ बाट प्रदेशसभा २ का उमेदवार एमाले नेता उत्तरकुमार वली र नेपाली काङ्ग्रेसबाट क्षेत्र नं। ३ का प्रतिनिधीसभाका उमेवार दीपक गिरी समर्थक युवाबीच तुलसीपुर १ भ्युडर सुनपुरमा बुधबार झडप भएको हो ।
आफ्ना सक्रिय सदस्य खड्क थापा सहितका युवालाई उत्तर वलीका समर्थकहरुले कुटपीट गरेको दीपक गिरीका पक्षले बताएका छन् । घाइते मध्य एकजनाको टाउकोमा गहिरो चोट लागेको तस्विर प्राप्त भएको छ । नेपाली काङ्ग्रेसका सक्रिय सदस्य खड्क थापा र सेवक ढकालको तुलसीपुरको सिटी अस्पतालमा उपचार भइरहेको छ ।
उता वली पक्षकाले भने दीपक गिरीका समर्थकहरुले आक्रमण गर्दा लु १ ज ७३३९ न.। को गाडीको सिसा फुटेको बताएका छन् । यता इलाका प्रहरी कार्यालय तुलसीपुरका प्रमुख डिएसपी सुधिरराज शाहीले भने घटनाबारे जानकारी आए लगत्तै शसस्त्र प्रहरीको टोली पठाएको बताएका छन् । ‘डिटेलमा पछि भनौंला, सामान्य झगडा जस्तै भएको रहेछ,’ उनले भने ।
प्रतिक्रिया